灣仔最有名氣的煎榮式雞扒，雞肉皮脆肉又多汁
可惜我個人直覺認為味精過多，以至吃不出食物的真味
(味精好壞我就不應多加意見)
而我就對味精有少許敏感，所以好易就吃出味精感覺
還是家中自家整雞扒比較好，吃得舒服又快樂
雞扒是由雞脾在食物工廠由機器起骨而出，而雞隻亦一樣工廠式生產
所以每只雞的大小和肉質都差不多，說得好的就叫穩定質素
而坊間吃的雞扒事前都會拍平拍鬆，煎煮的時間可以慳一筆
但家庭式整作最重要是保持健康和簡單做法
所以輕輕拍兩下就好了，然後生抽、老抽、胡椒粉、紹興酒 和乾羅勒葉 醃 30分鐘
同一時間洗浸乾的牛乾菌
題外話: 乾牛乾菌買貴的都不怕，物有所值，只要存放得宜就可以慢慢用
古斯米 / 庫司庫司 (cous cous)
煮法簡單而且健康，但味道就不是人人接受
這可以用以代替米飯的食物之一
古斯米 受水會發大，固應考慮
而以平時一碗飯的 1/4 份量 就足夠一人了
然後滾水煮大約 5 分鐘 就可以了
隔去水份後加入欖油
雞扒醃好 30分鐘 就可以上一層比較厚身的生粉
開易潔鑊中火，下丁點油，然後雞皮向下先煎
煎至微微金黃轉另一面再煎
轉另一面後同時間轉用細火慢慢煎香
因為雞扒厚身，大火煎雖然香口，但外皮就會過火
煎大約兩分鐘可以熄火大約5分鐘，用鑊的餘溫可以令雞肉加熱至半熟
然後開細火煎至金黃香脆
雖然雞扒快則 5分鐘 煎好，但不是過燶就是太乾身
如果用細火慢煎，慢慢迫出油份的話，皮就自然鬆脆，肉就多汁
但時間就需要長一點，大約15分鐘左右
記得小貼士: 可以熄火唔理佢，用餘溫加熱，又唔會燶, 又易熟
如果有鑊蓋的話可以加蓋，水氣可以令食物更快熟
雞扒煎好後，雞皮的油份會被迫出
可以用作煮汁的油份，以添風味
大約一茶匙油就足夠
紅酒牛乾菌汁材料包括 紅酒、洋蔥粒、蒜茸 和 牛乾菌
先爆香洋蔥、蒜茸 和 牛乾菌
炒至洋蔥開始透明就夠了
然後下浸牛乾菌的水，中火煮至滾起
下紅酒，比牛乾菌水 少一半
轉用細火煮至水份減去一半
下牛油一大粒
慢慢煮至開始 "杰身" 就成
這一個醬汁可以拌牛扒 和豬扒 一樣好吃!!
油份不多，而且健康好吃的雞扒飯，坊間吃不到
要吃就自己動動手吧 !! ^^
這就是我煎雞扒的小貼士
如果可以的話，可以放少少用醋醃10分鐘左右的青瓜 / 蕃茄
-----完-----
