.JPG)
這一味餸源自於日式食店中的小吃，每點啤酒的時候都會跟一小碟小吃
而其中有一款小吃正正是薯仔煮牛肉
一小碟中只有三兩粒，薯仔兩小粒牛肉一小粒，就迫人用了三十元
自己在家中一煮就幾十份，吃個夠本!!
在吉之島買來的味琳和日式豉油，份量為
兩份水、半份味琳、半份豉油
薯仔半個去皮切丁，紅蘿蔔半條滾刀切，洋蔥半個，薑數片，蒜頭一粒(原粒)
落少少油先爆材料，再加水、味琳 和 豉油
中火煮至滾起，熄火焗 10分鐘，重複三次
然後加入數匙白砂糖 和少許冰糖 (注意: 偏甜)
期間去除面頭多餘油份
牛肉方面對自己好一點，買了美國出品的牛小扒
三個人預一條就好了，因為薯仔才是主角哦 ^^
揀選牛肉最好的是油花足夠的，很多牛香都來自油份
直接放入煲蓋上蓋，小火慢煮至水滾，熄火焗10分鐘，重複兩次
食前滾起後即可上碟，除熱食外放雪櫃凍吃一樣美味
大家試試丫~~
後記: 如果想時間快D的話可以切細少少，咁就快D入味。
煮緊果時唔會不停搞，唔理佢就最好，咁D薯仔就好靚仔架喇
唔用靚牛扒的話都可以用肥牛，不過就食之前煮一陣好喇，煮得耐會煮爛架
----- いただきます -----
