2010年11月26日 上午10:55
有時有d 餐廳都唔係好明佢地開黎做乜...
食物出品又差, 員工服務又差
我會第一時間諗起 cwb 新開既 上海坊
喂, 大佬呀, 你新開冇耐, d員工就咁唔專業
我想捉個老細出黎問下佢自己食唔食公司既出品
喂, 你旺角開0係果個地方, 大把人去食啦
多人食唔等於你夠料0係cwb 開一間新架囉
我食既野唔多, 但係由我門面到入面, 到內涵 一條龍咁差
先講門面, 其實幾靚仔, 不過可惜到夜晚 七點半黃金時間 都冇兩隻貓
又望下最吸引客人既 open kitchen 啦
只見 三個衣服唔整齊既 後生仔, d頭髮都算新潮果隻
不停用 好唔友善冒目光望你...
OKAY!! 我照入去食.!! 睇下你有幾好食 咁巴閉.....
入到去真係只係得 九個人0係度, 而其中四個人應該係同 lee間 公司有D 關係
一個外籍白種人仕, 兩個宅男感覺既小男孩(一個超肥, 一個超瘦)
兩公婆 (應該入黎試菜)
步入去果時, 個企門口既 姐姐 都已經 黑口黑面咁帶位架喇
入到時, 仲有個女子 用好多微表情話俾我知我同女皇行既路線同佢一樣
而令到佢需要行另一邊, 而乜野微表情, 我諗大家都會 幻想到...
都OKAY!!! 照坐!!
睇下個環境, 雖然樓底好高...但係 點解你唔做下吸音既設施呢??
仲有, 你地方咁大, 就唔該唔好用咁多鏡啦, 咁咪即係自"爆"其短
話俾人知你冇咩客!!!!!!
都算啦, 門面師傅差, 服務員差都算啦, 環境都差過人.....
睇下餐牌有咩食啦...諗住..
點知個餐牌原來已經 爛蓉蓉咁樣......見到都唔開胃......
都唔好再講佢餐牌既設計擺位喇.....
睇多兩睇, 先發覺原來佢用左幾十隻石英燈, 下下射住你...
我本身都大汗架啦, 宜家仲唔洗錢咁全部石英燈.......
都唔知個老細諗乜......!!
睇到我對眼都唔係咁舒服
都算啦......我見乜都麻麻地, 不如是但叫d野番黎啦...
白烚菜心, 北京醬蹄, 奶油津白, 小籠包, 嫩雞煨麵,
兩個菜, 一個煨麵, 一個招牌食物 冇死啦可~~~~
首先一分鐘唔洗上左碟菜心, 個樣都幾好食...應該幾甜
放入口.......唔.................我想問係唔係放左一包牙線入口............
我諗大家明我講咩架呢......
再上北京醬蹄, 個樣都幾唔錯....應該用左好多時間煮
醬蹄一片片咁幾好食....而醬蹄底下 放入一半以上既青瓜
我覺得有d俾人呃既感覺,
到最尾我先諗到 會唔會係因為冇人食所以煮得耐左
而令到醬蹄更入味呢??
不過結論推算, 應該唔係鋪頭師傅自家出品
應該似係人地交黎
因為佢地唔似有技術整醬蹄
食完冇咩野既~~ 只係成日蒜蓉味, 冇咩特別...
到嫩雞煨麵...
um....點解咁多湯既???
我好似唔覺嫩雞煨麵 係咁既樣架喎....
你點煨呢請問~~?? 定係其實你唔知咩叫煨麵呢??
算啦, 我當佢普通湯麵食....
飲一口湯, 應該係雞粉味精加少少花奶再落少少小棠菜既湯, 差極!!!
再食一啖麵條, 滑!! 點解滑係因為個都煮耐左
而我估計, 個麵應該係買番黎而唔係自己整...
冇麵粉香, 冇上海麵既彈口, 湖口
而再估計, 個麵應該事先煮好, 再番熱 從而令到麵質異變
奶油津白..........um......都真係冇食過一樣咁簡單既餸菜都咁差
火腿唔香, 冇奶香, 油多, 菜爛唔甜, 講完
最後係招牌小籠包!!!!
招牌.!!!! 係招牌!!!!!!
係一個拆招牌既小籠包!!!!!!
我用一個平民既角度去食
用平民既食肆去比較
1) 南翔(已經好差)
2) 金牌(不過不失)
3) 翡翠(穩定)
4) 鼎泰豐(香港人口味)
四間都係cwb 你既對手, 你真係冇一間可以同佢地做比較囉
香港水平做唔到, 咁用 上海平民質數既比較啦...
因為上海既皮會比較厚身, 肥豬肉多D
唉, 算啦, 我都係唔做咩比較喇....
獨立黎睇啦....外表極乾.......麵皮極厚...
小朋友都唔會 夾得穿既厚厚外皮
摺痕 唔得分明.....豬肉過於冇味....
冇醃料香味, 冇豬肉味......乾乾的
都已經冇咩人食架啦, 仲要15分鐘先上枱
當你即刻包即刻蒸 6分鐘 乜都得喇掛.......
不過又咁講啦, 我見出面包野果d師傅都唔算咩專業人仕......是但啦....
一分鐘包一隻 都唔過份丫....可~~~
但係最搞笑既位 係.....唔熱...!! 過左 15分鐘先拎黎都唔熱.....
都冇客架啦, 仲要等咁耐, 而且唔熱....
雖然上海小籠包都係一樣咁厚皮, 但係 味道, 技術都差好遠....
0係上海, 30蚊一隻食過, 2蚊10隻既都食過
酒店既食過, 成皇 既食過, 街邊既食過, 餐廳既食過, 大學飯堂既食過
我真係搵唔到有咩籍口再去食lee 間野囉...............
除非個老細睇得起我, 日日都俾錢我洗幫佢做打手囉.....
不如咁啦, 上海坊既老細, 你請我做你打手啦
冇10萬蚊一個月我都唔會幫你打一隻 好聽既字!!!!!!!!
不過有一樣冇咁心痛既係價錢 都唔係 200蚊, 我仲俾 11 蚊 tips 佢
因為我都驚佢捱唔到好耐.............
再番到屋企 睇下 開飯d人講咩.......
睇完既感覺係 " 係唔係有打手?"
同埋......有d野 更正!!!!
因為 我以為間野開左 幾星期...
因為 有兩公婆問個服務員 " lee 間野幾時開架?"
答" 10月24号, 唔係好耐"
睇番 開飯, 第一個post, 有張相 係 8月4号 開
唉......個老細真係有錢喇.............俾左 4個月租 仲唔走...
大陸人唔會幫襯你, 後生日唔會幫襯你, 識食既人都唔會幫襯你
一定大細又唔會黎食你...........快d轉行啦你!!
到行出門口, 再0係 open kitchen 睇下 d 師傅, 點知已經睇緊馬經, "了"緊鼻屎
打緊電話遊戲, 同埋傾緊電話.............
下次再鬧另一間!!!!!! 南亞 1964!!!!
