2011年8月2日 星期二

Life Cafe

2011年1月07日 上午10:53


早排老友 Jasper 話想請我食飯
於事就搵一日趁出去做野果時蛇王一陣去應約
Jasper 係咁話"好正架, 你一定鍾意食架"
東主 " 下, 你咁老定?"  (好, 就跟你食一次)







                                               行三層樓梯 到頂樓






中環人多車多, 只要行少少路就可以去到一個咁舒服咁靜既地方
眼見99% 客人都係老外, 即時問自己" 咁d 香港人呢? 唔鍾意有機食物?"
不過唔理咁多, 遠離煩囂, 慢慢享受 " 餓驚你"
望下個餐牌先知原來 lee 間係素食
我問 " 我食肉獸黎架喎, 夠唔夠我食架"











                                                 東主既三文冶


我都唔係好記得lee個叫咩名, 只係知個名有 Roasted Veg.
因為係老友幫我order, 所以我只有信任佢, 等食
三文冶既包用小麥做, 但係都好軟滑,
感覺上有少少 似 pita bread
入面有 燒紅椒, 火箭菜,  洋蔥, 茄子, 菇類, 芝士  etc
我開頭以為個包會好乾身, 咩味都冇..
丫撞鬼佢丫.......又出奇咁好食, 菜香, 爽甜, 清脆
芝士濃香, 麵包軟熟, 一流既組合
仲有旁邊既 假薯條 又係超級好食
因為我唔知佢係咩, 所以叫佢假薯條
食落似蕃薯, 但係聽講又唔係...
總之你地一定要試下食..!!













                                           Jasper 既 Life Salad
lee 碗野真係好大碗, 不過咁講啦
新鮮既菜先可以咁挺身, 佔用咁多空間
所以食落其實唔算多架...
新鮮既蔬菜令你成日都咁有精力













我地兩條酒鬼食lunch 都一人叫左一杯 house wine 黎飲
哈, 我都係第一次飲餓驚你既酒
味道唔多, 清.......甜, 易入口, 不過有少少礦物味, 讚呢~~













飲多兩杯, Jasper 行路都開始唔穩, 仲話番去要睇好大盤數..哈哈











店入面有10多支餓驚你既酒飲
如果支持的話, 真係一個唔錯既地方
因為出面都好少可有咁多俾你揀....咁集中













如果大家係中環人的話, 我覺得真係一個唔錯既地方
可以早少少打電話黎book 位, 黎差下電再番公司博殺
一餐lunch 大約一人 150蚊左右, 唔平唔貴, 食得過
如果係女士的話, 可以大家share 黎食
因為碟頭都唔細, 三個人叫兩碟差唔多架喇






原來食素都可以咁滿足, 唔洗下下都要有肉既油份先夠
Jasper, 多謝你既好介紹












Life Cafe
地址 : 中環些利街10号
電話 : 2810-9777

LinkWithin

Related Posts Plugin for WordPress, Blogger...