今日想講一間 openrice都搵唔到既食店
帶大家去食潮州野, 0係上環海味街果頭
環境豪華, 不加味精, 碟頭唔細...價錢唔平.........
睇完有興趣再 PM 我啦
因為我唔係幫佢賣廣告
一出 "車立" 見到個門面都覺得好靚, 好豪既感覺..
好彩有人請, 如果唔係我諗我會嚇驚.......
食潮州野喎, 一係唔食, 一食貴野真係好嚇人
好多擺設都好靚, 雖然唔知有冇咩來頭
不過成個環境既感覺令我覺得唔係平野..
入到去見到仲驚......得果幾張枱.......再加靚環境......
嘩...應該食我一個月人工......
另一邊.. 個廁所都好靚......值得一去
因為冇諗過個廁所會咁既樣....
我地一行 13人, 可以坐最大間既房
環境好簡潔, 而且好乾淨...燈光亦都好舒服.......
比較上少人的話要坐細房, 不過都好舒服
每一粒水晶都好閃好乾淨.....應該成日都有人清潔..
話曬好多時都有好多貴人上黎, 一定要時時刻刻乾淨先得..
連椅背既金繩都咁新淨咁靚, 讚哦~
當晚食飯既菜單, 一樣好靚.......
睇完環境睇食物..
<<潮州凍花蟹>>
我諗每一隻大約有 12兩重, 最犀利既係肉極實
鮮味之極, 連蟹腳都爆肉先驚, 食完隻手都唔會有好勁蟹味
<<涼瓜排骨鮑魚湯>>
涼瓜排骨黃豆湯就成日飲
但係加鮑魚真係第一次, 我覺得個湯冇咩特別..
鮑魚係用新鮮鮑, 涼瓜唔甘香, 冇咩排骨肉味
不過不失.......
<<滷水鵝拼滷肉>>
食潮州野必食既一樣,
最重要睇佢個滷汁得唔得.
一間冇咩客既餐廳, 個汁應該都唔會好得去邊架啦
點似得人地煮左幾十年咁正丫..
換個角度睇下碟野, 其實幾靚架....
我又估唔到原來咁細間都幾好食
鵝肉甘香, 肉香, 唔"痴"牙, 好重 after taste...
雖然唔肥, 但係好滑...
雖然滷鵝好食, 但都唔夠滷肉好食....
d 肥肉真係......即化.........................
食完好似升仙咁..........飄飄下....
<<石窩雪花小牛排>>
我唔知lee 個 算唔算潮州野呀~
就算唔係都當佢係架喇
不過都係似 港式野多d.....
雖然咁講, 但係lee 個係絕頂好食!!
其實簡單d講即係 黑椒牛排粒
不過用上超大量既紅洋蔥煮, 味極甜
牛肉粒 雖然我問左兩次都唔講用咩牛
不過應該唔平, 因為食落口好重牛肉味
唔似"那" 過 果隻稔, 似係好重肥油而好鬆果隻
最重要係個廚房知道個窩既特性
識得煮到 5成熟放入可窩
等上枱果時變成 7成熟, 非常好食
雖然唔知係唔係潮州野, 我都好推介!!
女皇係咁影影影, 影咩呢?
明知我影緊都插隻手落黎影........
<<骨香醬炒鯧魚球>>
即係鯧魚起肉 xo 醬炒木耳紅黃椒
大家 blog 都知我唔好食魚......所以都冇咩好講
不過聽大家講lee 碟野鯹鯹地......我更加唔會試.....
起完肉, 骨用黎酥炸
斬好上枱, 講完
<<潮式蠔仔烙>>
真係似係用鴨蛋同埋藩薯粉煎成
蛋香味清, 唔油膩, 不過蠔味不足, 要改改喇.....
<<川椒雞>>
都冇咩特別野好講, 同出面好多間差唔多
要我講的話, 鑊氣唔夠, 有d"立" "立" 地既感覺
換個角度又再睇一次.....
左 <<酸菜>>, 右<<攬菜>>
你叫白粥的話就會俾你架喇
um, 我覺得個粥多米水, 同埋煲得耐左
所以d 粥水好杰身.......
<<蝦乾肉碎煮紹菜>>
冇咩特別.....通街都可以食到既菜式
最讚既係個菜切得好幼細, 蝦乾夠香
個湯底都好濃郁
如果真係冇味精的話, 都真係唔錯既
不過佢唔落味精(msg)姐
仲有大把調味品本身已經有味精啦...
<<欖菜肉碎炒飯>>
一睇個樣就知唔得乾身
睇黎lee 間野既炒野麻麻地.....個爐唔夠勁
不話咁講姐, 但係個味真係好夠
欖菜都好香, 炒得好平均, 唔會有一舊舊白飯
<<家鄉炒麵線>>
lee 個都幾好食, 麵線夠彈
個味調得好, 好清爽, 真係有一種去到佢家鄉既感覺.. (堅講)
<<愛心奶皇酥>>
睇完就算, 冇咩特別..............
最特別係 唔夾成晚既感覺囉........
好地地依整乜鬼 心型姐!!!!
而且仲要個酥皮好西式...........玩野咩~
打開係奶黃......冇咩特別..一啖食完冇咩感覺....
只係" 哦, 應該係有蛋黃" 講完
<<反沙芋>>
um, lee 個都麻麻地
因為佢似事先蒸左d芋頭
一食落口雖然個外皮好香脆
不過唔應該蒸左先炸囉.....
如果真係的話, 都應該炸耐少少丫.....
宜家個味道好單一, 冇咩特別..
<<銀杏馬蹄爽>>
感覺上只係用左好多馬蹄粉煮出黎, 再加少少去皮綠豆
馬蹄片, 片糖, 橙味既粉 煮成既一 pat 野....
感覺好怪.....唔食好過食.......
食完埋單, 叫多5支大藍帶, 4個粥, 13個人頭
食左 7,580 蚊, 平均 583蚊一個
lee 個就係問題喇.....
如果lee 一間係 3,000 的話
我會覺得超值, 覺得如果的唔hard sell 多d俾大家的話係對唔住大家
亦都因為咁貴, 所以對佢既要求會高左好多
係想0係佢地身上感受到 lee 個價錢既食物
不過又咁講, 佢用料真係比出面好超多
環境極好, 服務超細心, 碟頭夠大碟
每一樣以街價黎講大一半以上
咁你食埋個環境, 俾多一倍價錢, 算係咁啦
我問過架喇, 如果街客就要 最少 360蚊一位
四位起, 同埋要預早 book 位
不過我就唔知有咩好食喇.......
我諗可以同佢地講, 你地 筆直係幾多 叫佢寫個菜單俾你啦
放心, lee 個野一定係正式潮州茶館, 因為成揀大廈都係 潮州人
你話會唔會唔得正式喇~~
如果真係有興趣的話, PM 我 問我地址電話啦
