早0係幾個月前都知有lee 間野架喇
不過就成日都唔記得去
前幾日"的"起心肝去試下
去到希雲街係咁搵都搵唔到..
原來要0係另一邊既 加路連山道入
好鬼祟既入口...
但係亦都因為鬼祟, 所以地方環境唔錯..
人唔太多, 有室多, 0岩食煙人士....
唔講咁多, 睇相好d.
見到門口, 就知0岩我心水, 原因唔係因為食煙位
係因為我鍾意坐室外, 感覺自由好多, 好似去左外國咁
當然啦, 佢都有室內既位, 鋪仔細細, 我諗都可以坐50人
女皇宜家唔係玩 ipad 就係玩 iphone...........
一坐底就酒癮發作...........
我地叫左 二人餐
lee個係海南雞, 唔好講笑, 真係好滑
雞皮夠彈夠爽, 雞胸夠滑, 可惜肉味唔夠....差dd 就完美
混醬炒椰菜苗
即係 豆醬+蝦醬 炒
又估佢唔到咁好食囉.......
豆醬有豆醬既香, 淡淡既蝦醬, 夠惹味....!!
冇骨豬手
我真係食完第一啖都嘩嘩聲..
都未試過咁食既豬手
膠質好重, 唔肥膩, 入口即化....完美..........
好似係 蝦卷 + 雞卷
um......冇咩特別, 炸野實好食..............
真陰公.......
真係有香茅, 南薑等煮出黎.....
um...........由於小弟唔食椰汁野...
所以 覺得麻麻地.........
女皇: 仲有咩好食呀~~~ 好似唔係好夠食咁....
得得得.....即刻叫多碟濕炒俾你食......唔好唔開心..哈哈
本身二人餐係跟兩個白飯
不過我地覺得 d 餸唔係好0岩食飯
所以我食冇食, 俾番老細
勄濕炒好有水準...!!!!!!!!!!!!!!河粉米香, 汁香, 唔會覺得好死板咁....!!!
總結, 兩條友食左三百幾蚊, 都真係算幾唔錯
我宜家都諗緊幾時再去食過, 我好掛住佢個雞同埋豬手
lee 間係我覺得值得去既地方....好過去....總統 食丫..
支持 小鋪..!!
地址: 希雲街33號A地下
電話: 25777822
