之前咪上左開平做野既
其實我前日夜媽媽番左黎架喇
但係冇計, 好 支力.....
之後第二日又要番公司好多野整.....
所以都冇時間 打blog....
算啦....橫掂都講左今日先出blog, 所以算啦, 哈哈
之前咪叫左家估係咩黎既~~
宜家開估喇, 蕃茄意粉呀~
不過有人講意粉, 有人講蕃茄
但係就冇人講蕃茄意粉....哈哈
但係有一個朋友 講係蕃茄湯,
我覺得最接近...所以......
唔知大家有冇去 UCC 食過 湯意粉呢?
我同女皇好鬼鍾意去食架
佢有咖哩, 忌廉, 同埋蕃茄
我地次次食都連湯飲曬.....
大家覺得lee 張靚 d 丫........
定係lee 張靚d 呢????
我懶, 我用罐頭湯做 base...
材料
意粉 一人份
罐頭蕃茄濃湯 半罐
水 一罐
紅酒 20ml 左右
煙肉 一塊
鯷魚 一條
蒜蓉 1/4粒
芥末子 一茶匙
辣椒粉 少少
0急汁 幾滴
刁草乾 dd 咁dd
做法
1) 開水落鹽油烚意粉, 同時開鑊先爆香煙肉, 鯷魚, 再落蒜蓉
2) 落罐頭湯, 水, 及 紅酒, 中火煮一陣, 再落芥末子, 辣椒粉 及 0急汁 煮多一陣
3) 意粉應該煮到 5成左右, 放入0岩0岩仲煮緊既 湯入面再煮到自己鍾意軟熟程度
4) 最後用黑椒, 鹽 調味, 用比較深既碟上碟, 落少少刁草乾, 食得!!
題外話
賭王玩咩呢???
仲好睇過鮑魚風暴！！哈哈
