新一年新開始~~我祝大家新年快樂, 身體健康, 事事順景, 萬事如意!!
新年大家做過咩黎呀? 多唔多利是呢~~?
以前細個果時一到新年就好開心, 可以周圍去, 好多節目
但係好奇怪, 慢慢就好多親戚冇搵.
唔知再過多幾年, 會唔會連開年飯都唔食架呢~ 哈
今年新年冇咩野做過
屋企食飯, 去車公, 去靚太屋企......睇我愛香港, 煮左餐飯..
我仲記得以前新年香港人有一樣野係必做既
就係去睇成龍既戲喇....年年都見成龍一次..
但係慢慢香港人都唔係好 buy 佢lu......
唔知大家有冇睇過印度既 三個白痴呢~?
其中有一場戲 同我愛香港好似....
令我覺得 我愛香港 好似抄人咁...
明明30分鐘請完既野, 佢又 repeat一次...
請番之前既野........得啖笑....
講番個通粉先~
前兩日冇野做開個ipad 睇 vdo next
見到教人煮lee 個粉
我又跟佢整, 不過佢用蟹肉, 我用帶子
不過 我仲加多左少少野....
材料
通粉 一人份
檸檬汁 1/4個
檸檬皮 半個
帶子 4粒
忌廉 1/4盒
刁草 一茶匙左右 (切碎)
牛油 5g 左右
蒜蓉 半粒
威士忌 一湯匙
欖油 一茶匙左右
鹽, 黑椒 適量
雞湯 30ml 左右
炸腰果 三湯匙 (切得超碎)
做法
1) 開水落油鹽煮通粉, 另一煲水落少少鹽, 少少檸檬汁, 帶子汆水, 兩隻切粒
2) 同一時間開鑊, 落少少油, 落少少蒜蓉, 帶子上少少生粉, 煎香其中兩隻
3) 開另一隻鑊, 超細火煮牛油, 落蒜蓉, 落帶子粒, 煮一陣落忌廉, 雞湯, 檸檬汁
4) 通粉煮至 8成熟, 隔水放入忌廉汁陣一煮
5) 落刁草 檸檬皮及威士忌, 中火煮至掛汁調味即可, 食時落腰果碎一齊食
