食譜就唔出喇.......
因為我都係加加減減人地既食譜
抄抄下咁, 我跟d又唔跟d, 又唔知份量,
例如人地落兩隻蛋黃我就 三隻, 人地要邊隻 古古力
我又冇跟........
不過我都有少少經驗同大家分享下就真既.......
在我既立場........我個人認為心太軟 好多時都係一d 未焗好既朱古力蛋糕
同埋 個質地 應該要 稀少少, 再放入冰箱雪佢大半個鐘先好拎去焗
如果想甩模甩得好d, 可以0係個兜入面上一層牛油再上少少砂糖
咁焗好出黎, 放凍少少就好易甩模架喇........
牛油, 朱古力 同埋 雞蛋一定一定一定要放到室溫先好整
如果唔係如易會令到d 材料好易分離, 就一定失敗.
題外話
lee 排好多人都話減碳, 老實講丫, 個個都係得把口架姐
香港有幾多人真係減碳生活丫
同埋d 商家佬又要0係lee 個時間 搵你錢
環保 同錢係有關係架.....
不話講就咁講....我本身都支持 lee 個概念
因為我真係唔想睇住我地既地球俾大家咁搞法
你地就大興土木, d 小動物就冇屋企....冇左屋企人
你地知唔知你地成日噴d壓縮氣體, 好傷大氣層
你地知唔知食肉類係產生幾多二氧化碳
諗下喇, 一隻牛不停不停食草, 問題出現喇
隻牛食草, 冇曬d草, 就冇得利用d 草減碳
同埋, 消化 草既時候, 會放出極大量二氧化碳
仲有, 香港都冇幾多隻牛俾你地食
大家食到既都係美國, 日本, 澳洲, 中國, 加拿大
0係交通上面排放出幾多二氧化碳, 到生產能源果時排出既二氧化碳
同埋幾環境所做地既污染, 對大自然既傷害
宜家都只係講新鮮肉類, 再講落去就係講加工肉類
講到lee 度都感覺到排出左幾多碳
講到加工就仲慘, 為左所謂既保存肉類
而做出好多不同既加工食品, 唔講咁多, 只係講火腿丫
我冇記錯的話, 要做到火腿既質地 係要落兩種化學物
先可以令d 肉痴埋一齊同埋變得咁粉紅
仲要開隻個機器不停攪拌, 攪到起膠, 我諗都要幾個鐘
仲要拎去烚幾個鐘......仲有之後再用不同既交通工具送到去不同既地方擺賣
如果真係要減碳, 我覺得大家應該要從飲食同埋交通方面著手
食多d本地有機蔬菜同少d肉, 同埋減少用不同既醬料
煲湯可以用真空煲, 食幾多煮幾多, 食唔曬就留番起
出街食飯就可免則免, 最好拎個盒出街, 食唔曬就用lee 個盒打包番屋企
唔好用佢地d 發泡膠盒, 唔好叫外賣
搭車就用公共交通, 可以行路既就行路
愈講愈遠添...哈哈
政府成日講減碳減碳.......你自己都未做好仲叫人減減減減....
減你地人地就減......只係得把口講, 咁同大陸講既文明生活有咩分別
根本你就冇實質既野做緊....只係叫人減減減........
有事上黎就賴人, 乜都講指引, 笑笑口咁.....
算啦, 唔講太多喇, 下次先再講過.....
我亞媽成日都話我" 你遲早變長毛~"
