原本我就諗住梅菜肉餅 / 鹹蛋肉餅 既.....
不過屋企又冇曬......只有一舊鹹魚...
我又唔係咁鍾意食鹹魚, 又唔想咁就蒸肉餅
所以 把心一橫.........係咁亂斬, 斬碎d 鹹魚, 落大量既薑蔥胡椒粉
因為我真係好驚有鯹味...........當睇佢唔到食落肚算數
材料
豬肉 半斤
梅香鹹魚 一小塊
蔥粒 大約兩條
薑蓉 一塊
生粉 一湯匙
蠔油 一湯匙
胡椒粉 少量
糖 適量
紹興酒 少量
生抽 適量
老抽 適量
生油 半湯匙
麻油 少量
做法
1) 豬肉用手剁成免治, 期間落少少水一路剁一路落
剁好落蠔油, 胡椒粉, 糖, 紹興酒, 生抽老抽, 醃大約 30分鐘
2) 期間可以處理鹹魚, 鹹魚去骨剁蓉, 起鑊落薑爆香, 拎起備用
3) 將鹹魚放入醃好既豬肉, 落生粉, 薑蔥, 生油同埋麻油
4) 做成球狀, 放入平底鑊大火煎執兩面再用中細火慢慢煎煮
大約6~ 7 分鐘左右應該熟透
