前排見 Catherine 整左lee 個意粉, 一時seafood 痕...
又想整下......哈哈.
不過我就用番人手去整個paste
整整下一整左我3個鐘都有...
為左個賣相靚d, 大家見到既只係實際份量既 1/4
醬汁我亦都減少左, 因為賣相都會靚d.....
講下個汁我點煮先啦...
材料 (二人份)
去皮大蕃茄切丁 4個 <----tips 有講點整
去皮青椒 切丁 1/2個 <----tips 有講點整
紅酒 1/2杯
白酒 1/2杯
水 3杯
雞湯 1杯
牛油 30克
鍉魚 1條
去衣蒜頭 3粒
茄汁 10湯匙
雜海鮮 適量
黑椒 適量
鹽 適量
糖 適量
乾雜香草 適量
薑蔥 適量
意粉 個人份量
做法
1) 落油爆香鍉魚, 落番茄丁, 細火慢煮 15分鐘左右
2) 落原粒去衣蒜頭, 青椒丁, 慢煮 15分鐘左右
3) 落紅酒, 白酒, 水, 同埋 雞湯, 茄汁慢煮 1小時, 期間不停攪拌
4) 再調味, 落黑椒, 少少鹽, 糖, 少少檸檬汁, 少少乾雜香草, 牛油, 再煮10分鐘, 備用
5) 意粉開滾水落鹽落油先煮好
6) 海鮮用薑蔥先出水, 開鑊落薑爆香海鮮
7) 落煮好的意粉 和 剛煮好的蕃茄醬, 拌勻即可
tips
去皮大蕃茄
用一大個煲煲水, 蕃茄 patpat 界十字, 放入滾水煮 40-50秒
極速撈起放入冰水, 就可以輕鬆去皮架喇
去皮青椒
lee個比較煩煩d, 要用火先可以去皮
開著個煤氣爐, 就咁燒個青椒, 燒到佢個表面好好好黑
燒到成個都黑色之後, 放入容器, 極速用保鮮紙包好
等10分鐘左右, 個青椒稍為冷卻, 就可以用手卒開d 黑d 野
再用水洗乾淨, 就可以切丁架喇.....
記得盡量將蕃茄同青辣椒切得有咁細粒得咁細粒....
題外話
都唔知樓上做乜Q
成 日整d 唔知咩落黎, 搞到d 衫全部一 "dat dat" 漬
去管理處又幫唔到手........
好煩惱...
喂, 大佬呀, 我有d 千幾蚊既衫架...
又有新衫架......件件都咁搞法...
lee 件事我諗都發生左一年架喇.........
我諗應該唔係樓上果家人, 係再上面果d人....
唉,應該點好.....
