我同女皇仲係諗唔到去邊呀.
名古屋, 大板, 福綱, 定係再去一次東京呢~???
定係去熱既地方
例如新加坡, 馬來西亞呢
定係去北京上海青海呢?
定係去 Club Med 好呢
如果真係想去北海道的話
係唔係應該要去跟團去呢??
講番碟野好d...
星期六冇咩點煮野呀
因為我同女皇要睇勁歌同埋巨星
所以要 快快手手要飽肚就算
留番星期日, 女皇落廚煮飯
不過話雖如此
我同女皇都會去 city super行下睇下有咩新鮮
行行下見到 Daphne 同佢愛人一齊
不過怕羞既我同女皇
就冇叫佢
望多兩眼就 閃人lu....
sorry 呀, daphne, 冇叫你...
你男朋友比我想像中高大
而你就比我想像中有氣質
都係講番碟野先....
大家都知三文魚都有分幾個品種架啦
而我就偏偏獨愛 帝皇三文
貪佢肉質結實得黎魚油味香
而且仲要皮薄多油花
咁0岩俾我見到 有得賣
所以9秒9 速度去買左個魚尾部份
貪佢個形狀煎完出黎夠靚
我同女皇一人一舊, 買左 110蚊
好似 45蚊 100 g 左右
出黎既成品亦都冇令我地失望
好好食
加上我地買左d 好香薯仔味既澳洲薯仔做薯蓉
同埋用左羅馬蕃茄 做襯物 真係好鬼正!!!!
材料 (二人份)
去骨連皮三文魚 大約 250g 左右 (用橄欖油醃一陣)
薯仔 400g 左右
蕃茄 50g 左右
蒜片 一粒
黑椒 少少
橄欖油 20ml 左右
紅辣椒粉
忌廉
牛油
芥末子
鹽
做法
1) 先處理蕃茄, 先去除蕃茄籽同埋多水既肉, 一半切條,一半切成蓉
2) 先做薯蓉, 切細粒大火烚5分鐘, 蓋上蓋焗30分鐘, 隔水
3) 用叉壓成蓉, 再落牛油拌勻, 落忌廉, 芥末子, 鹽, 黑椒, 再落蕃茄蓉 拌勻
4) 落少少油炸香蒜片, 拎起備用
5) 用頭先d 蒜油煎魚, 先落有皮果邊, 大火落鑊, 轉中火, 煎 1分 30秒左右
6) 反轉煎另一面, 大約煎 1分鐘左右 , 落少少黑椒 少少檸檬汁 就搞掂架喇
7) 最後 以圖 擺 好次序 就 okay 可以上碟架喇...
Tips
1) 煎三文魚之前用油幫佢沖涼, 做下 spa
可以令個肉質冇咁死
如果係的話, 可以落少少 新鮮 dill 草 一齊醃
2) 食既時候可以連埋蒜片一齊食
超級好食!!!!
3) 記得蕃茄 去除多餘水份先好切
如果唔係就破壞成碟野架喇....
4) 碟底果d 係 baby spanich 黎架
可以烚一烚次後落少少橄欖油 用埋 黑醋去食
5) 紅辣椒粉係最後先落
係擺碟果時先落
平均地放0係魚既面就okay 架喇
食落香香辣辣咁, 會豐富個層次
