自從同女皇一齊以黎
我地就好少出街食特別既野
都係食d 普通既餐廳
反而多左番屋企食
同埋欣賞自己煮出黎既食物多d
如果自己識整, 做咩俾錢人地呢
仲要受人氣, 仲可能比人白眼
何必呢.
最近兩個月我同女皇都成日講一句 " 唔好咁高要求啦"
我真係唔明
係我同女皇高要求左, 定係宜家大部份既人都食野冇要求呢
遠既唔講, 就講琴晚去 尖東食 豬肉飯果間丫
佢價錢係平呀, 都係 40蚊左右一個飯
大大碗咁~~
而且個門面都幾靚丫
我地當時 6點半左右入去, 冇咩人食
咁我地就叫野食啦......
叫左兩個飯.......點知完全唔掂
到食完行出門口先見到有 20個人0係度等位
我同女皇 真係 R 曬頭
下.......?! 咁既野都咁多人去食, 唔係掛..
食既只係一d 普通野, 而且仲要冇咩心思果隻
雖然平姐, 但係都唔洗咁多人掛..........
之後又去左食 乳酪
果間之前都見電視有訪問過佢
我當時諗" 都唔方好得去邊啦, 一味跟風"
咁琴日又唔知咩事去左食
丫, 我又估佢唔到喎
lee 間野又真係好細心
好多野都仔細
例如佢係用杯食, 而唔係用碗
方便好多!!
到 toppings ....我要左 mango 同埋 corn flakes
到食到一半先知原來佢一層乳酪一層topping
唔會好似平時食果d, 只係放面頭
要就住就住咁食
同埋 lee 一間食我除左灣仔 yo mama 店 之後食過最好食既乳酪
最少有乳酪味先丫......
再講, 佢d mango 好香, 好細粒, 唔會好似人地咁粗糙
同埋佢揀左 比較熟既做 topping
所以食落唔會酸, 而且mango 味 十足!!
環境又夠舒服, 地方又清潔
而且仲要開0係旺區
賣一杯大既都係 32蚊
5蚊 多 兩個 toppings
我想講既係佢地之間既分別
食飯果間比我既感覺係賺錢既多
只係 賣個名, 希望年輕人見到個名就黎食
利用人地既名稱 / 類近既 食材去 扮人地d野食
出黎既出品就變得好香港水平
而乳酪店 就好唔同喇
人地講明係跟風先開店做生意
但係好明顯個老細 睇得出一個乳酪既優缺點
再加以改善缺點 同埋加強優點
我會好樂意俾 60蚊 去食一個乳酪
但係都唔想比 40蚊食一個飯
老實講丫
黎得睇我個blog 既人都一定係鍾意食野
因為我lee個blog 都好少講私人野
90% 係講食物
所以我先覺得大家鍾意食野
而我亦都覺得大部份既 blog 友都應該同我一樣
食野既錢係多過買衫既錢
如果比我揀, 我會食 1000蚊一餐飯都唔想買一件 800蚊既衫
但係我身邊就有好多朋友 唔食飯都要買野
我都明, 大家價值觀唔同, 唔可以迫人地同我去食貴野
佢地可以買一件 4000蚊既衫都唔想食一餐 300蚊既飯
夠膽死講冇錢...但係去買衫....
d 人成日問我去邊度食飯好
又話要好食又唔好咁貴, 仲要坐得舒服
喂!! 我真係唔識介紹囉
你問得我即係信我眼光
但係 大家好明顯係有一定既唔同口味
我真係好用心機咁諗邊一間好食
而唔係鍾意食貴野囉
再講唔一定貴既先好食
我都明, 我都知
但係你地就成日話我食貴野
喂, 我只係對食物有要求姐
正如我都唔會話你地買衫買電話買 電玩 丫
我夠唔明你地買幾千蚊衫做乜.啦!!
我都唔會問你地有邊間買衫好
因為好難搵到一間 0岩你品味又0岩我既地方
老實講我食既野唔係貴
只係鍾意去試下一d 比市價貴既野
睇下固中既分別
如果冇分別的話, 我會鬧爆佢
如果係好食的話, 有質數有心思的話
我會覺得我應該要俾, lee個價值得
仲有, 好多人成日話" 都唔明你成日食好野做乜, 都係食落肚姐, 一樣屙番出黎"
次次一聽lee 句野就火都起......!!
我諗一定有好多blog 友同我一樣會火起.....!!
都唔洗解釋咁多, 唔明既 都唔會明
要明既一睇就明.....
睇到黎lee 度既朋友, 你地真係犀利.....咁有耐性..哈哈
仲有仲有仲有
我近兩個月成日都食d 好平既餐廳
我成日都會問一句 " 丫, 你估佢地自己敢唔敢食番自己整既野呢可?"
老老實實, 好多間我都覺得好唔掂
但係最近食過有好幾間係好食既地方
有 the one 既 金牌小龍既 擔仔麵(晏晝 tea time 時間既單點)
仲有 柴灣既 patco 既 意大利飯同埋牛扒, 聽講話好有機會變一星既餐廳
仲有 cwb 以前成日去既 新寧餐廳 既湯 ( lunch hour set lunch + 20蚊轉湯)
樂意扒房既 T骨......
仲有仲有仲有...仲有...
不過講唔到咁多.....
如果有機會的話, 真係要得閒寫下食評
好食就要讚好, 唔好食就鬧爆佢!!!!!!
講住咁多先...
下次再發嗡風過.......
