真係唔買唔知.....原來海鱸係咁貴......細細舊都買左我100蚊!!
不過我覺得係除左銀雪魚之外最好食既魚!!
好多時出街都會叫黎食架
不過一條條既中式食法我就唔食喇, 因為擺明有骨!!
好多人成日叫我去多d街市, 咁咪識買靚野囉...又平咁多
但係我份人慢熱呢.....又唔鍾意俾人呃喎........
就好似琴日去食十年都未食過既許留山啦
點知食到一肚火~~
一陣再講
材料 (一人份)
海鱸 150g
蕃茄 兩個
白酒 50ml
水 100ml
辣椒粉 半湯匙
紅腰豆 半罐
蒜蓉 半粒
糖 一湯匙
鹽
黑椒
做法
1) 先把蕃茄浸熱水過冰水去皮切成茸
2) 蒜蓉起鑊, 炒香蕃茄茸, 落白酒, 水, 辣椒粉, 細火煮最少 20分鐘, 期間不停攪拌
3) 落鹽黑椒, 糖調味, 再落紅腰豆 煮至收水拎起備用
4) 魚肉上麵粉及黑椒, 落油四湯匙大火先煎魚皮一面, 再中火煎香四面, 重複兩次
每面大約 30秒, 煎至買面金黃香脆 即可
Tips
睇下舊魚有幾厚身啦, 我諗我果晚煎果舊魚都有兩吋厚,
如果你地買近魚尾果邊的話, 我諗唔洗咁耐
白酒最好揀d甜少少果味重既, 如果唔係好易變酸
題外話
琴晚同女皇去食許留山
完全覺得貼錢買難受囉
我一心諗住去食香色用椰汁整既撈野
明明我就聽到女皇叫 "海底撈野 + 小丸子"
點知黎到有咁多生果同埋食兩啖會係芒果味既?
咁我就好聲好氣問下店長, "我想問同lee 個同一質地但係白色椰汁咪果個叫咩名"
店長 " 我唔知你嗡乜喎"
東主" 呢, 同lee 個一樣質地架呢"
店長" 哦!!!! 果個丫麻, 叫海底撈野呀"
東主" 下!!? 咁lee 個係咩呀?"
店長" 芒果撈野丫麻"
東主" 但係我叫既係海底撈野喎"
店長 黑曬面, 勁 "miu" 咀, 好唔好老皮果隻
東主" 但係我地真係講海底撈野架喎"
店長" 咩呀, 你係講芒果男野我先同你落單架喎"
東主" 是但啦, 咁算啦"
店長" 唔好意思呀下" 係黑住面扮笑咁回答我
點解會落錯單呢~~
個原因係個店長同個員工0係度玩
明明係個店長落單都好地地
點知個員工又走過黎同個店長講" 你行開啦, 我黎啦"
期間員工又搶店長落單紙
店長又搶員工落單紙
不停笑笑笑咁.....
但係我知其實未食我食咩
一個海底撈野 好似 30蚊
但係 我又唔鍾意食芒果味,
又唔鍾意食佢d 爛生果,
仲要唔食我想食既椰汁味
仲要俾多 13蚊
仲有喎, 我加果d小丸子 5 蚊 得10粒
咁你話佢地唔係呃我係咩呀!!
我之後再問個 店長 " 係唔係餐牌有個"撈" 字都係 有撈野架?"
店長" 又唔係咁講既"
東主" 即係點呀?"
店長" lee d 撈又唔係果d 撈喎"
東主" 咁如果我想食海底撈野的話即係只可以叫 經典 果d?"
店長" 又唔係既, 你睇餐蜂上面有一個個好似雪糕果d就係架喇, 不過又唔係全部都係"
東主" 我想問以前係唔係有一個有芒個汁, 有海底撈野, 同埋小丸子架?"
店長 " 冇!! 我都未聽過"
東主" 咁牙? 有得佢啦"
出去俾錢喇...
我行出去見到個收銀 0係個 touch mon 篤 "香港" "中國" " 外國" 既"香港"
於是我又問下 " 你篤黎有咩用架?"
收銀" 公司話想做統計"
東主" 咁你又知我係香港人既?"
收銀 極黑面, 唔理我
咁我行出我既第一步出門口
聽到收銀講左一句 " 問咁能多野都唔知做乜!?!?"
咁我都冇搞大件事, 走左出門口走 lu.....
喂大佬, 我諗我食許留山果時你地都未黎香港啦
仲話曬係店長丫, 咁差態度
你 lee 間野年中落錯幾多次單架?
個個客都錯單貴多十幾蚊, 咁就大件事啦
仲話遊客必食, 香港地道食品
我見我隔離果脈枱叫3樣野都錯兩樣啦
而且都係比原本既貴
你地係唔係睇唔起我係香港人?? 定係睇唔起d客??
東主有喜' facebook page <-------Click here
東主有喜's 微博 <------Click here
