炒豬油渣粒粒
上次咪炸左ｄ豬油既?
仲有d 豬油渣, 我用左黎炒粒粒
炒粒粒最煩既地方係樣樣野都要慢慢切, 一樣樣遂野樣炒
我今次用左
1/2個紅椒, 1/2 個 青椒, 少少菜埔, 幾隻冬菇, 豬油渣, 蝦乾, 1/8個洋蔥, 4兩 蜆肉
所有野切好一粒粒大約 1 cm x 1cm 左右
之後 一樣樣分開爆, 一定一定要分開爆一如果唔係就唔好食架喇
而 菜埔要少d油爆
冬菇就 多d油, 一定要好香好香先好停手
豬油渣唔洗爆
洋蔥花落dd 糖
蜆肉要先汆水用薑起鑊讚少少酒 同埋 少少 胡椒粉
咩都爆好之後就可以開波喇
先爆香 少少蒜蓉, 大約半粒左右
之後咩都放埋一齊, 係咁炒炒炒........
落少少咁少少雞湯再炒
然後落 少少 XO 醬, 之後打個茨
記住打完個茨, 個餸都一樣會係一粒粒
而唔係有汁太濕身果隻
最後落埋d 豬油渣就搞掂, 上碟
題外話
前幾日 去左 食 tea
去食 pizza 仔, 我拎個影機出黎影......
我好唔小心, 搞到成褲都係 芝士同埋茄汁.....
仲要白色既褲.........哈哈...............報廢左lu.........
仲要好多人望我條褲
隔離位仲笑我.......笑笑笑.....好好笑咩...!!
仲要個pizaa 熱到 死.......好彩冇跌落去重要部位姐
如果唔係 入醫院都似...哈哈
