炸豬油
嘩....咁今次玩d咁既野呀.... 學屎東棚教練 "他一直在玩命"食豬油? 真係 咁食法一定過唔到 30歲....
去街市 買 / 問佢拎
當然要同佢熟先可以問佢唔洗錢拎番黎啦
佢問你要幾多, 你答佢, 炸出黎一隻碗左右啦
同埋記住叫佢俾d 爽既肥膏你, 好食好多架
番到屋企洗乾淨, 切粒粒, 一吋 x 一吋 左右差唔多架喇
開鑊, 唔洗 燒熱隻鑊, 用最最最細火 慢慢煎佢
自自然然會出油架喇..
炸到金金黃黃咁就可以拎起
唔好太過燶, 因為一陣要再番炸一次
迫番d油出黎
可以拎黎就咁食 / 食麵 / 炒粒粒
之後就可以落乾蔥, 細火炸
因為d 乾蔥比較多水份, 所以需要炸耐d
有少少金黃就可以落蝦米碎
再炸到d 乾蔥到金黃色就可以落埋d蒜蓉, 炸一陣好喇
少少咁少少既金黃色好喇, 因為之後仲會變色架
之後就可以拎起放埋一邊
or
將佢地放入樽
再落番d 豬油渣落去d 油 用大火 炸多一次
拎起, 搞掂....
"筆" 起d 油 (睇熱呀!! 真係好熱, 小心)
然後就可以"親" 佢仲係滾果時就放埋落樽,
等到佢變番室溫先好放入雪櫃
如果keep 得好, 我諗 半年都冇咩問題...
不過大前題係個樽要存氣
嘩, 豬油撈飯呀~~~
仲可以撈麵, 蒸魚, 蒸豬肉, 炒菜...好多好多.......
諗起都開心......
不過大家都唔好食咁多喇, 真係唔係咁健康......
