需要高超技巧既甜品我就唔識整
需要細心耐心既甜品我都唔會整
需要豐富材料既甜品我都唔識整
需要用磅做既甜品都一樣唔識整
我會一連兩日講兩個用肉桂同蘋果做出黎既甜品
簡單易做, 而且好快手就搞掂
不過唔鍾意食肉桂既朋友就唔好意思喇
材料
蘋果 一個 (一開八)
白砂糖 兩湯匙
肉桂粉 一茶匙
牛油 5g 左右
做法
1) 白砂糖 同 肉桂粉 勻和
2) 蘋果平均沾上拌好的白砂糖和肉桂粉
3) 放入易潔鑊, 中細火煎 3~4分鐘左右轉另一面煎3~4分鐘
4) 放入牛油中火每邊煎一分鐘左右即可, 食時再放少少肉桂粉上面
Tips
記得揀d 爽脆既蘋果, 如果係粉的話就唔好咁整喇
留番聽日 分享 果個啦
lee個最主要係令個蘋果有少少焦糖化既效果
要留意唔好俾佢燶
同埋如果唔夠色的話就煎耐少少, 都唔會用大火
如果點煎都冇咩色的話, 即係可能唔夠糖
咁可以中途直接落少少 糖都okay 架
如果唔鍾意食皮的話, 可以刨走d 皮先煎架
不過有皮會靚d, 但係唔代表好食...哈
用慢火既原因係想令蘋果外面變得更香甜
唔可以煮太耐, 如果唔係個蘋果會太軟身
失去左中間仲係好脆身既效果
