2010年8月12日 上午10:19
大家有冇飲過lee 一隻牛尾湯
細細過我就成日都飲架喇, 好簡單好易, 又好味
拎黎食麵食通粉又得, 炆野都得架....
炆牛腩, 炆炸雞亦....好多好多...諗起都開心....
今次教大家炆一pat 屎.....哈哈
大家睇到上面張相一定以為自己見到屎....哈哈..
我炆野就係咁架喇, 我唔鍾意水汪汪咁架
我一定要個汁淡d, 再炆到掛汁先鍾意食..
牛腩方面可以的話, 我覺得都係買急凍既好
因為新鮮又貴質數又唔穩定
買一包 60蚊既急凍牛腩食好過
炆野 d 人成日都話要 醃左先好炆...
喂, 大佬呀, 話明炆野, 你仲醃黎把鬼咩
炆炆下就入曬味架啦, 放心, 炆野唔洗醃!!
材料 (三人份)
牛腩 半斤
牛尾湯 一罐
水 三罐份量
紅酒 兩罐份量
鼠尾草 10片
百里香 4條
丁香 5粒
薑蔥 適量
老抽 一湯匙
鹽 一茶匙
冰糖 一湯匙
做法
1) 薑蔥起鑊爆香牛腩至微燶
2) 落牛尾湯, 水, 紅酒, 老抽, 冰糖, 香草
3) 蓋上蓋細火炆煮 10分鐘, 熄火焗30分鐘
4) 重複 步驟 3) 3次, 開蓋中火煮至收汁即可
炆完出黎可以食飯食意粉, 好鬼正........
炆牛腩, 冇時間的話真係唔好炆
因為時間唔夠真係咬唔落口, 好慘架...
同場加影
Choya 梅酒 浸左 最少 5 年時間
同埋 浸好左之後再溝 白蘭地 酒
入口感覺絕對 係 FULL BODY!!!!!!!
梅味 好成熟, 入口有一種爆炸感
都係賣 200蚊左右.......
亞媽有個朋友 0係新界拎左一大包 新鮮龍眼番黎
嘩, 甜到佢丫........
於是 試下浸酒, 睇下 有幾好飲....
仲要拎左支 超純既 蒙古 vodka 浸.....睇下點...哈哈
