日式燒汁帶子
唔好意思呀
lee 個餸完全冇賣相..
但係個味道真係幾好食架...
我覺得煮lee 個, 要好留意個份量
帶子先汆水......備用
準備個汁, 最好用易潔鑊煮
(煮 6粒既份量)
落兩碗水, 落3/4 碗木魚碎
煮五分鐘左右, 等佢出曬d 味
之後 隔走d 木魚碎, 會得出一個好清好香好金黃既 汁
之後d 汁回鑊, 落味琳, 同埋日式豉油各三湯匙
之後落埋d帶子落去一齊煮, 大約 兩分鐘左右
落 兩湯匙既砂糖, 煮到d 汁好杰身 就可以食架喇.....
最好就煮到得番好少汁.......收曬水
不過要睇住火路喎,
因為你落左糖就會好易燶架喇..真係小心呀~
女皇食過都覺得好食.....
好似出面街食果d一串串果d...哈哈...
題外話
有睇開我個blog 既朋友都會知我出左trip
lee 幾個 blog 都係 我一早set 定時間 出既 blog
問題就係......我仲有一個未打.........已經好 攰............
比心機呀 東主!!!!
