2011年8月1日 星期一

另類 白汁雞皇飯

2010年5月27日 下午12:00

我記得靚太 之前煮白汁雞皇飯果時我話過我遲d煮一個好唔同既俾佢睇
靚太, 我煮左喇........哈哈
首先滾刀切落糖烚左d 蘿蔔先, 大火煮 5分鐘, 熄火焗 30分鐘


雞扒切件用胡椒粉, 生抽老抽, 糖, 生粉醃 30分鐘鐘左右....
之後開易潔鑊煎到 9成熟, 拎起備用
落少少咁少少既 薑片同埋蒜粒起鑊, 爆香洋蔥, 再落埋d 雞 肉
(如果冇煮燶鑊可以同番同一隻鑊唔洗洗, 不過出黎個汁就會比較黃d)
之後 落 一碗雞湯, 一大碗水, 落兩湯匙既 快速即食麥皮
慢光 煮, 煮到好似白膠漿 咁........試下味, 唔夠就落少少鹽
之後就可以落少少 cream...同埋少少牛油
再落埋d 蘿蔔煮多一陣就可以上碟食得.........


靚太, 係唔係好搞笑呀個煮法~~




題外話
我公司既計劃係 應該今日番黎香港
如果行程冇變的話, 應該大家會見到我...
同埋我終於可以見到女皇喇......哈哈....

LinkWithin

Related Posts Plugin for WordPress, Blogger...