係呀冇錯呀, 我番左黎香港喇
係一個好辛苦既 trip
日日都好早起身, 好夜先番去....我諗一日都係訓 5個鐘左右........
琴日番到屋企見到隻兔仔唔好掂...
即刻帶佢去愛護動物栛會睇醫生..
如果有養兔仔都知...兔仔一有病就好有機會會即死....
唉......個醫生話叫我地真係要有心理準備.......
大大話話同佢一齊都 6年架喇...
琴日同佢去睇醫生, 話要即刻打幾支針
仲要吸氣, 留院........唉..好擔心佢...
睇住佢入房仔果時, 佢仲好唔捨得咁, 好想我帶佢走咁...
但係我就走左...留低佢, 過多一陣去睇佢,
佢已經嬲左我, 唔理我...............
果時買lee 隻兔仔(大包)番黎果時
仲有另一隻架....係叫叉燒......
點知買番黎幾日仲病左...帶佢去睇醫生, 睇左 800蚊...
番到黎屋企即刻死左.......果時都好唔開心架喇..
雖然只係幾日感情...
但係 lee 兩隻兔仔揀果時, 佢地好痴我
番到屋企仲係咁痴實我....仲係咁" lam" 我....
點知6年後就要講拜拜........
我打緊lee 個 blog 既時候, 醫院打黎話大包好似好番d
不過仲係好唔正常既呼吸聲
同埋發現佢個心臟 有好多怪聲
應該係有事, 佢地唔識醫, 介紹我地去大圍睇
果度有一間專仔睇兔仔既 醫院
希望可以幫到我幫到大包...
雖然大包只係一隻 家兔, 一隻好平, 當時只值 20蚊既 兔仔
但係lee 隻 兔仔好聰明, 好有人性
好識聽你講野.....
仲有
我屋企 有隻狗, 佢叫亞妹.....
我琴日番黎屋企果時, 我妹竟然係咁入我間房 (平時唔會理我)
之後又係咁行出去, 又出又入, 仲0係大包個籠出面係咁屙尿
琴晚帶大包去睇醫生果時亞妹仲0係大包周圍聞聞聞..(亞妹平時超驚大包)
推斷起上黎, 亞妹應該知大包出左事, 唉...點解我咁遲先知架....
醫生仲話兔仔個膽好細, 心血好少..
可能宜家見佢冇咩事
但係因為基於個心臟有事
所以車去大圍果時嚇死左佢....唉....
琴日見大包喊曬咁, 個身又係咁震.....又好大聲既吸氣聲.....
睇到都好心痛....
所以........sorry 呀, 我未有心情 reply 大家 d留言......
我大約講我點整個假既叉燒出黎啦...
都係用李錦記果隻叉燒醬, 大樽果隻
同左1/3 + 同等份量既水, 用黎醃 3~4 塊既梅頭豬肉
而當中我仲會加 一匙糖, 半匙鹽, 5~6 匙既玫瑰露酒, 少少生油
如果可以既, 落一匙既 蠔油, 會好味d..
醃最少 24個鐘
拎出黎, 你會見到肉既色會變左好多
之後我就會揀用鑊去煎焗, 而唔係焗爐...
煎焗既好處係可以好好咁控制個水份..
令d 汁完全掛0係豬肉上面
點煎點焗就唔講喇..
都係好簡單既野, 最重要係唔可以用大火
因為有糖份, 好易燶, 同埋 焗佢果時可以用細火....
你覺得佢熟左之後, 就可以開番中火, 炒到收曬水, 掛汁為止
當然啦, 我唔講幾耐幾耐既原因係因為個個屋企既火路唔一樣
我唔想用我屋企既作準......
p.s. 叫個豬肉檔俾d爽既梅頭俾你...好食好多....
