大包終於走左喇....
係我決定俾醫生打針架....
我好多謝大家對我對大包既關心!!! 係真架.....
我諗女皇都冇諗過我會咁傷心.........
我好唔捨得大包........我都唔知我咁做0岩唔0岩.....
都唔知大包係唔係好辛苦, 又唔知係唔係真係冇人可以幫到大包...
不過 又咁講....由於大包仲係一個好健全既男仔
所以壽命方面會俾公公兔仔少
大約最多只係得 8 歲命
而大包 再計計數, 佢都就黎 7 歲...即係人既 58歲左右
冇啦, 佢有心臟病, 個肺又有咁多水...醫得一樣又醫唔到另一樣
我見一打開個氧氣箱, 佢就已經要好用力呼吸, 好辛苦咁......
我都唔知應該點做先最好.....
我只係知 大包都係唔捨得我......
太得人驚喇, 大包真係太有人性
佢真係完全明白你地講緊咩架...
佢真係會有唔同既反應架..
佢知我唔要佢果時我就再忍唔住.......忍左幾日既淚水
我同宜家個腦都仲好空白
我仲未知我咁倏0岩唔0岩......
就算大包冇事番黎屋企, 佢都唔擺得好耐....
而且仲要用好多好多心機時間照顧
我真係冇咁多時間心機......我亦唔想再睇到佢咁辛苦
我都唔想睇住大包係我面前慢慢咁死.......
我只係希望大包明白我...唔好嬲我...
今日我請左一日假.....0係屋企 執埋大包D野...
同埋去處理大包既身後事......
我地諗住 燒左大包, 同佢出海......做場法事..
好頭好尾....希望來世做人, 同我做朋友...到時我地就可以日傾放傾..
成日出街玩......你記係番黎搵我呀大包....
可能有人會問 " 只係一隻 20蚊既兔仔姐, 值唔值得為佢洗咁多錢做咁多野呀"
我答" 係呀, 係洗左好多錢呀.....但係 大包 係我既屋企人, 係lee個屋企既一份子"
我都講俾大家知啦, 頭頭尾尾, 由入醫院到離開果日, 用左 3,914蚊
仲未計做法事 果d野......希望 6,000蚊搞得掂啦.....
btw, 我屋企有幾包 幾包既 健康食 既兔仔糧, 睇下有冇人有興趣丫.....
唔好嘥左佢........仲要0岩0岩買架咋.....
仲有一包yogart 糖.....
仲有好多倍力既貓砂, 不過開左, 唔要都冇所謂...
喂, 唔好意思呀, 講番個青瓜先...
咁既心情, 又冇咩地方俾我發洩
最好就係拎d 薑 / 青瓜出黎拍....
恨恨咁拍落去.......
青瓜分段切一開四
大大力拍落去, 拎走中間d 籽唔要
拍好放埋一邊, 拎隻碗出黎落dd 鹽落青瓜
大約 10分鐘左右, 目的係想d青瓜出水, 同埋令佢爽脆d
之後 拎廚房紙出黎, 擦乾 青瓜, 要一滴水都冇果隻
之後就可以 整個汁喇
落少少蒜蓉, dd 老抽, 白醋, 砂糖, 少少 指天椒, 同埋少少魚露
份量我唔敢講喇, 因為你自己試下味就係最好既份量..
可能我鍾意多d糖, 你唔鍾意呢
可能你鍾意超多蒜蓉, 我又唔鍾意...
大家自己試下味丫.......
我諗大約醃最少 15分鐘先好0係雪櫃拎出黎食
不過醃一日就最好啦.....好食好多架........
俾大家睇下大包啦
係我星期六幫佢影既相黎架
質數差係因為我用電話影....唔好介意
同埋我琴日冇影係因為我真係好唔捨得佢...............
唔想接受lee 個事實
個環境麻麻地架咋.......但係就 620蚊一日
佢又唔食唔屙.......唉...........
你睇下, 佢對眼冇悶精神架.........
住左3日......就由 2.86公斤 --------> 2.32 公斤
好慘.....好慘....我諗大包一定好痛, 先食唔落野....
連佢最鍾意食既零食都唔食..........
我只係知佢好想出黎, 好想番屋企
好想我帶佢走.............
但係我琴日問過佢 " 你番唔番屋企呀, 我地番屋企好唔好呀, 番去玩丫我地"
佢完全冇理過我, 如果佢隻耳仔有咩反應我都會帶佢去大圍睇醫生
之後佢仲用個patpat 對住我, 我唔知佢係嬲左我
定係 唔想俾我睇到佢係咁喊, 定係佢唔想睇住我係咁喊喇......
大包, 你唔會死架, 你永遠住0係我個心入面..........
