琴日過左d 咁唔開心既日子
都係時候食番d 甜野令自己開心番d
我見 Sogo d 士多啤梨 55蚊一盒咁鬼平
我都買左盒番屋企食, 拎左 5粒整 果醬
其他既用黎點娻奶食...哈哈
唔知係唔係心情唔好, 影d野出黎都灰灰地架呢.....
其實煮果醬我鍾意即煮即食
唔會留太多日, 因為煮一次既時間都好短咋麻
冇所謂啦, 又新鮮d..
我會拎黎食雪糕, 落梳打水/ 雪碧, 食麵包, 食豬扒, 鴨肝
其實整果醬既方法好簡單, 只需要 加檸檬汁同埋 砂糖就ok 架喇
整果醬最重要既係果膠, 雖然唔係隻隻生果都有一定份量既果膠
不過 士多啤梨就有好多, 所以好0岩新手整, 因為唔會點樣失敗
宜家只需要切粒既士多啤梨放入平底易潔鑊, 用最最最慢火白鑊煮佢
之後士多啤梨 受熱, 會釋出水份, 期間用木勻 不停搞拌, 驚佢痴底
煮到有番咁上下水之後, 就可以因應 士多啤梨 既甜度 / 個人口味 落砂糖
不過記住你試味 同個制成品會差少少, 制成品會甜d, 因為d 水份減少左
慢火煮大約 5分鐘左右, 應該都差唔多可以落三匙左右既黑醋煮幾分鐘
再落1/4個檸檬汁, 再煮幾分鐘
應該夠杰身, lee 個時候, 如果想知佢係唔係ok, 我見好多人會放隻碟入雪櫃,
放少少果醬落去, 睇下成型未, 不過 我就覺得唔洗喇,
因為我覺得好多時用自己對眼都知佢煮好未.....
如果煮好, 你可以放入樽....攤凍左就可以放入雪櫃
不過我就次次都係即刻食, 煮個份量好少
之之都清曬, 所以未試過放入雪櫃
我覺得可以放少少落d 雪碧 / 有氣酒, 好得正架
個色又靚, 可惜果日我整得少, 我同女皇食麵包都食曬.....
睇下~~
大包0岩0岩黎我屋企個樣, 好細隻, 好得意....
而右邊既係叉燒,
我諗我果時俾人呃左, 佢地話兩隻兔仔都有兩個月
不過 我地估大包唔只 兩個月, 而叉燒就唔夠 兩個月
所以兩隻兔仔既 size 差好遠.......
