話就話係薯仔沙律, 不過又唔係咁簡單薯仔同沙律醬
我仲加左 兩隻蛋黃, 一隻蛋白, 1/16個蕃茄, 芥末子, cream, 車打芝士, dill 草, 錬奶, 細香蔥, 黑椒, 1/16個洋蔥蓉, 同份量既西芹蓉, 同埋兩個大既美國焗薯, 仲有兩匙牛油, 哈哈, 諗極都仲有.....應該冇喇..
係唔係睇到都覺得痴線呢...
女皇見我咩都放落去.....佢又係係咁問我好唔好食架......
我就一路整, 一路俾女皇試味..哈哈
而佢就每試一次都講一次好味......哈哈
薯仔去皮切粒, 滾水煮5分鐘, 焗 30分鐘
應該都可以隔水放入大碗
之後就可以落一早烚好拎出黎既蛋黃
再落1/4支沙律醬, 切粒既蛋白, 兩匙牛油, 芥末子, 1/4cream, 一匙左右既錬奶
係咁不停攪佢.....應該宜家都好好食架喇....
再落一匙左右既 車打芝士, 少少碎既dill 草同埋細香蔥
宜家都應該又係好好食架喇...哈哈
不過我仲落左少少蕃茄蓉, 令佢再清新d
再落洋蔥同埋西芹, 可以令個沙律多左層次
哈哈, 落埋少少黑椒搞掂.....
可以上碟食得.....
不過
.咁鍾意玩野既我, 又點會就咁食咁簡單丫.....
拎左之前0係 city cuper 買既 可愛版法包出黎, 開左個焗爐180度
噴d 水落個包面, 焗10分鐘左右, 就有一個超超超超超超超超超脆既法包食喇..
0係屋企整應該比添記仲脆仲香口
之後切開一半落左少少豬油 當牛油(哈哈) 再落埋d沙律.....
哈哈哈哈哈哈........冇得頂呀!!!!!!!!
btw, 有冇呃到大家, 以為係一個好簡單既薯仔沙律? 哈哈
