睇名都知有好多料啦....
但係有邊五種豆呢?
同埋個次序係點架呢~?
赤小豆, 扁豆, 紅豆, 綠豆, 眉豆
不過扁豆最好隔夜浸水, 因為佢比較硬
落兩大塊又大又靚既 班蘭葉
落同等份量既豆(大約半碗).....落一粒大蜜棗一粒大又切好既紅棗
你應該會問, 咁少豆夠唔夠煲
因為lee個唔係想做到紅豆沙 個感覺, 係比較水性..
落兩公升左右既水, 大火煲1.5 個鐘
睇下你D雪耳係爽身定係軟身
如果係軟身就唔好咁早落喇
我果隻就煲極都唔煲唔爛, 所以好早就落左去煲
過左1.5個鐘之後, 應該會少左一半既水, lee 個時候, 應該 所有野都起曬沙
lee 個時候就落冰糖, 片糖, 同埋沖繩黑糖, 再試下味....搞掂...
d 組合係就係搞笑d, 奇怪d, 不過出黎既感覺好正.....
有興趣既朋友可以試下丫....
唔洗次次都係 咋喳/ 紅豆沙
題外話
琴日買波買左 10蚊....
買 希臘 對 尼日利亞 lee 場, 希臘 2:1
哈哈, 我超耐冇買過波...世界杯細細地 10蚊.....
哈哈, 中左呀~~ 有 120蚊呀~ 哈哈...
睇波都係買左去睇, 好睇好多....投入好多..
