冷靜左幾日總叫好番d.....
但係琴日又搞一張麻煩野.....
一波未停一波又起......
沒完沒了咁........
搞到我好冇心機再打 blog....
有一刻諗過放棄 yahoo blog, 唔再打 blog...
但係又唔係好捨得大家....
lee 個完全係心機餸.
女皇都有份幫手架.
唔好睇佢好似簡簡單單
我諗準備時間都最少要 1個鐘
煮野就快呀, 但係切野超耐呢.
切到我同女皇腰骨幾咁痛呀~
材料 (二人份)
西芹 1/4 條
木耳 兩隻
豆腐乾 一塊
麻油 一湯匙
生抽 半湯匙
糖 少少
做法
1) 西芹鉋去面頭既根, 木耳浸發, 連同豆乾 切成 超幼絲
2) 汆水 30秒, 過 冰水, 隔開多餘既水份
3) 落麻油, 生抽, 糖 拌勻 即可食用
tips
可以 落少少炒香左既芝麻都okay 架..
同埋可以落少少冬菇都okay 架
成個餸最重要既係真係好比心機慢慢切
一定要好幼細先好食架
