近期我真係痴左線, 不停用唔同既方法去煮獨子蒜浸頭抽
拿, 大孖, 如果你睇到我個blog 真係要分番d廣告錢比我喇..
煀，粵菜常用技法之一，原料經煎或炸後，再用中火烹之熟透，謂之
煀。烹製上有鑊上煀和瓦罉煀 from 香港百科
今次就係鑊上煀喇...哈
首先要講下d 雞亦先.......
香港我諗著左 90% 既人買雞亦都係買急凍果d架啦可~~
咁點解有d 會離骨有d會痴骨架呢~
以我既經驗黎講, 所有急凍雞亦都可以做到離骨既效果
而且仲好滑添, 只要解凍既時候做少少手腳
咁就隻隻雞亦都好好食架喇......
方法十分簡單.....只要0係洗碗盤開一盤水, 落兩湯匙粗鹽一齊浸
我諗宜家lee 個天氣, 熱熱地, 應該浸45分鐘左右就可以完全解凍喇..
之後就要用廚房紙印乾d水,先好醃雞亦
醃都好簡單, 只係落老抽上色就okay 架喇, 上色我諗都要 30分鐘先足夠
之後再用廚房紙印乾d雞亦, 上少少粉就可以用半煎炸既方式稍為煎香兩面
拎起備用, 然後就可以起鑊落三四大塊薑爆香, 再落一大"執" 蔥一齊爆香
落雞亦, 再落 1/4杯左右既熱水, 1/4杯左右既雞湯, 兩湯匙既浸頭抽
份量既野我都係大約架姐, 大家跟自己口味去整好d...
我今次就大約用左lee 個份量去煮12隻雞亦
落好熱水, 雞湯用頭抽之後 等水滾就可以 蓋上蓋 中火煮 3~4 分鐘左右
開蓋, lee 個時候應該仲有d 1/4杯左右既水份, 就可以落一粒size 好似紅棗咁大既冰糖
拎起鑊鏟不停不停快炒 至 完全收水, 所有汁都可以"痴" 住d 雞亦
lee個時候d 雞亦應該隻隻都好光身, 隻隻都好似好bling bling 咁
睇見都想食啦 可~~ 哈哈
