我將會一連三日出茶餐廳口味, 都係炒河粉
炒落先知做廚房d人真犀利
可以 三兩分鐘就炒完拎出黎俾你食
材料 (一人份)
銀芽 一小攝 (大約一兩兩個人份量) (汆水)
牛肉 二兩左右 (我叫亞媽早兩日留番俾我)
蔥段 小小
草菇老抽
河粉
做法
1) 醃牛肉 - 少少生粉水, 糖, 油, 生抽, 胡椒粉, 凍滾水 醃5分鐘左右
2) 用易潔鑊落少少油起鑊落河粉大火快炒
3) 落埋d 牛肉, 同河粉一齊快炒 至牛肉半熟
4) 將草菇老抽慢慢慢慢慢慢逐少咁落, 至0岩色水為止
5) 落銀芽同埋蔥段, 炒多一陣即可
tips
河粉要落鑊之前要用人手一條條搣番開佢
同埋之後要落少少油撈兩撈先好去炒
如果唔係會炒得唔靚架
最好用易潔鑊炒啦
冇咁多野煩丫麻...
