去娘娘屋企之前 我同女皇約左 契妹 同佢地既 好朋友出黎
決定三個靚女陪我去 high tea
我地諗左好多地方, 最後揀左 agnes b
我都係第一次去咋.
成日聽f blog 友話好好好
終於有機會試下喇
左上: 契妹
右上: 朋友 Estella
第一次入去, 真係有d 頂唔住
個氣勢真係好勁
好似有d 壓力既餐廳咁...
你知啦, 我係一個口水佬
要我細細聲講野真係唔係好舒服
好彩 我地坐好入, 人又少.....哈哈, 0岩我!!
原來個餐牌都幾靚架喎......
我就唔係好識睇d 質料
而做紙張行業既契妹就話係靚野
而且做一本唔少成本......
一共叫左兩個 tea set 同埋一碟 penne
食之前一定要影下相放上微博啦.... (我都一樣)
真實情況!!
契好真係望左 好耐都唔捨得食......
um....其實咁講啦
我果得lee 餐 high tea 真係好鬼好食
所有野都好精緻.........好細膩..........
我都唔想講太多....
睇相算啦....
不過一提既係...
唔好叫 oyster set
雖然都係 俾多 33蚊
就有兩隻蠔仔同埋蝦仔
不過我都係唔推薦.......
都係食甜野好d....
又要推介 下 個帶子
真係比好多好多餐廳既帶子都甜得多......
仲有個pancake 真係好好食..........
馬卡龍唔洗講啦, 好挺身, 唔好一拎就散
而d Tart 仔都好鬼好食, 入面d 吉士好香好滑
仲有個餅仔, 雖然唔知係咩餅
但係我覺得好食到要出去買多一包番屋企再食...咁你話好唔好食喇
個 penne 都真係一絕......
tea time 都係 賣 158蚊包野飲...再10%
唔洗多講, 唔係賣廣告, 係真係好好食!!
係我好誠意推薦俾大家去食既餐廳...
不過點講都好
都要有一班鍾意食野既朋友既
同埋真係要睇下同咩人去食啦
如果果餐同d 唔鍾意既人, 食咩都冇味, 好慘....
agnès b. le pain grillé <-----Click Here
小小題外話
對上一個星期日係東主既生日
而星期六又去左 high tea 同埋 娘娘屋企
所以只有星期日有時間 煮飯...
同埋我亦都有少少想放假, 只係煮左 3樣野........
你知啦, 平時一次過一晚要煮 5 樣野架咋..
今次煮 3樣算少架喇....哈哈
唔好意思, 琴日同今日都冇得出 煮飯 post
0岩0岩0係 facebook 開左個 page, 希望大家入黎 "like" 啦
東主有喜' facebook page <-------Click here
同埋我亦都諗住開始玩 微博, 大家可以關注我, 睇我平時做緊乜丫
東主有喜's 微博 <------Click here
宜家冇咩人 關注 同埋 like 架咋
有你地支持, 我會有更多既動力
