星期六幸運地被誠邀到美美娘娘家中" 痴" 餐
係就係遠左d.......不過幾遠我同女皇都會到架!!!!
我1六點幾上到娘娘屋企
見娘娘他他條條咁, 咁我地大家就開始不停傾計
無啦啦唔見左娘娘, 原來入左去開始煮飯
丫, 又估唔到娘娘做d野咁快手喎
唔洗一個鐘就拎左 七餸一湯出黎
我地見到咁多都 嘩嘩嘩........
一碟又一碟拎出黎.......
老實講, 我真係冇可能好似娘娘咁快手
俾著係我, 可以 9 點都未有得食.....
我完全感覺到娘娘果日係用左大半日時間去準備
買餸, 煲湯, 準備, 執屋.....招呼我地....清理現場....
真係好感謝娘娘 對我地既無私...多謝娘娘
當日總供有 11.5 人
包括 娘娘, 大寶, 二寶, 娘娘既妹
娘娘既妹既老公, 娘娘既妹既仔, 娘娘既妹既仔既老婆
娘娘既妹既仔既老婆既肚入面既bb
我啦, 女皇啦, 好好過日子啦, 同埋 katie
咁你地話娘娘係唔係好犀利喇, 11.5人喎
雖然娘娘煮得好快, 同埋我又掛住吹水
不過我都有影得 娘娘 同娘娘妹 0係 廚房整野既情況.
娘娘一煮好就快快手手拎出黎
因為娘娘知道大家一定會影影影相....
所以 減番d 影相時間
希望d 食物仲熱熱地...哈哈
女皇仲笑笑口周圍走...幫手啦 ( 設計對白)
咕嚕肉
用左新鮮本地豬腩肉
香口美味, 好快就俾大家清得 7788.....
焗 rosemary chicken
你唔好睇個樣好似好燶咁呀
反而果度既皮先最好食呀...
雞皮又薄, 又香, 一d 肥油都冇
雞胸先最驚喜, 好幼滑...
應該係隻雞又靚, 娘娘又整得好..
好難架!! 又要 雞脾熟雞胸又熟, 仲要滑......... 一絕!!!!!!
涼拌青瓜
一睇到d 青瓜咁多釘都知個青瓜本身都甜啦
仲加埋香口蒜蓉, 同埋豉油辣椒, 麻油.....
簡單做法先可以食到青瓜本身應有既爽甜......
涼拌芽菜
同樣都係涼拌
但係味道就完全唔一樣
而且仲落左雲耳, 紅蘿蔔, 蝦米碎, 豆卜
如果冇估錯, 我覺得lee 個應該落左 少少魚露...吊一吊味
豉汁辣椒蒸倉魚
冇野講......我唔食魚.....對唔住呀娘娘, 哈哈
清炒西洋菜
娘娘鬼地去街市搵本地靚菜番黎
你食過本地靚菜就知咩係新鮮
咩係爽脆, 咩係清甜
羨慕娘娘日日都可以搵到靚菜番黎食......
簡簡單單用豉油吊一吊味就搞掂,
好食既野, 新鮮既野, 簡單既最好食..
豆腐 x 醬油膏x 魚鬆 x 皮蛋
其實lee 碟野都幾特別
因為娘娘0岩0岩去左台灣買左好多野番黎
而 lee 碟野其中既醬油膏x 魚鬆 x 皮蛋都係 黎自台灣
好有當地味道, 仲有不得不提
個豆腐係街市有個高手日日自己整架
豆香味濃, 香滑一流
冇諗過會好食得過大公司既豆腐.....
襯落醬油膏真係好好食.........
左: 好好過日子
中: katie
右: 女皇
事後話
我好失禮, 個個有手信
我同女皇就幾條蕉....
咁諗住帶支梅酒去飲啦
點知又撞正 個個都唔好酒....哈哈
好彩 katie都同我地飲左少少......
仲有, 收到好好過日子送俾我地我最愛食既 餅
仲有仲有, 0係 blog 就見 katie 整餅整蛋糕整得多
當日katie 就拎左幾包俾我幾食, 而katie 仲一早起身焗添架
焗完仲要入袋..........介要急急腳番學...真係唔話得喇
最重要果樣係個cookie 超得超好食
好鬆化, 入口即溶果隻......
真係唔好意思喇 katie 同 好好過日子
我搭巴士番黎果時就食曬 你地送俾我地既野..哈哈...
多謝曬....katie 多謝好好過日子, 多多多謝娘娘!!!!!!!!!!!!
下次再出黎食過丫!!!
美味娘娘 <------------Click Here
好好過日子 <-----------Click Here
Katie <------------Click Here
0岩0岩0係 facebook 開左個 page, 希望大家入黎 "like" 啦
東主有喜' facebook page <-------Click here
同埋我亦都諗住開始玩 微博, 大家可以關注我, 睇我平時做緊乜丫
東主有喜's 微博 <------Click here
宜家冇咩人 關注 同埋 like 架咋
有你地支持, 我會有更多既動力
