香蒜 x 脆麵包 x 意粉
一黎要做既係準備材料....
有 白麵包, 半粒蒜片, 一條鍉魚, 1/10 隻指天辣椒
少少芫茜乾 同埋 Rosemary 乾(切得好好好碎)
要處理既係白麵包, 唔要d邊, 唔0岩今次用
可以留番黎做其他野, or 做烘乾做小食都得
入正題.....
哈哈......d 白麵包可以切丁, 放入攪拌機 打細, 但係都唔好太細如果唔係就會變左粉架喇, 我諗 打佢 2~3秒都夠架喇..
之後開爐起鍋, 落少少油兩片蒜, 較去細火 再落d 麵包碎, 不停攪拌
廢事佢濃曬, 你會見到佢地慢慢開始變色, 有少少金黃色,
lee 個時候可以落少少 rosemary 落去,
過多一陣, 粒粒都金黃色次後就可以拎起, 放埋一二面, 又可以用廚房紙吸下d油..
等佢攤番凍之後應該會好脆口.....好好食.......
之後可以準備鍋水滾起, 落鹽落油煮意粉, 煮到佢5分熟既時候
我就開鑊落油煮蒜片, 用慢火煮到有少少金黃色就落鍉魚同埋 辣椒
條鍉魚會自己溶化...lee個時間ｄ 意粉應該煮到 ８～９ 成熟
可以隔水拎出黎放入鑊, 同d料一齊炒兩炒熄火...
咁就可以落埋 頭先 整好既 麵包, 係多係少自己話事丫....
同埋落多少少 香草同埋 黑椒碎, 搞掂.......開餐...
話簡單又唔識簡單, 個火路真係要控制得好好先得......
食落口既感覺好特別,
希望大家成功啦.....女皇食過都話好特別好好食...
題外話 :
如果有一間餐廳係你第一次去, 你食左好多野都覺得唔好食
之後有人黎問你d野好唔好食, 你會答咩呢.....
而你又會唔會因為打算唔會去第二次
而同佢講d野好食呢......
如果個老細又問你 " 講黎聽下有咩唔好, 等我改善下都好丫"
你又點答呢.........
對唔住, 我揀既答案係" 好食喎, 幾好丫"
而唔會話佢知應該點樣先好食d.......
or
有邊方面做得麻麻....
我係咪好衰?
