2009年2月23日 上午11:10
前幾日去左 CWB Outback 食飯
雖然我地幾個好 cheap 精, 食左好多麵包 (我食得最多)
不過都有叫幾個 main courses
頭幾樣都係炸野, 我個個都話好唔掂, 好x鹹
個個都係細細啖咁食, 食完一啖就飲野
咁就有個 朋友同d 職員講話d 野食今日好鹹
過左冇耐, 有個著住白色恤衫自稱經理既人黎
佢問我地d食物覺得點, 我地當然話好鹹啦
佢就答 " 係咁架, 可能係你地食唔慣啦, 我地lee d 食美式食品, 係咁既味架"
我地就講 " 唔係喎, 你試下喇, 真係好鹹"
經理自己講 " 今晚都冇其他客人話過鹹"
我地" @#@&$#@)*#&@*&$#$*#*%r$&"
經理勁唔好老脾咁講 " 咁一陣俾個餐牌你地睇, 睇下食咩甜品"
當然我真係冇咩火可言, 算高 EQ...
實情有兩樣題目要講下....
講樣少字d架先!
經理似乎係覺得我地唔識野
覺得我地係細路仔(我一定唔似)
覺得我地黎搞事
覺得我地黎呃甜品
覺得我地係百佳
覺得我地難為佢
我地冇錢食咩宜家
如果係得 三兩個朋友食飯
我一定插到佢百佳
自己搞唔掂, 唔想入廚房同d師父講就話請我地食番個甜品算數
我核同你講, 我本人就100個唔 care 你有冇野俾番我
我要你下次我黎果時唔好再咁鹹就夠
我好記得我地走果時你仲對我地miu 住咀咁 (sorry, 可能你本身個樣係咁)
真係有樣野我真係頂唔po...我地一行 8人
你請我地食一樣甜品咁大把....我地一人一啖食曬...
你估你d甜野真係好食架咩?
我10年前我都講過係不知所謂既野
10年後用d 不知所謂既野黎想幫自己公司洗去食物唔得既污名
都算喇........衰d講, 10年前我黎食野果時, 你都仲可能讀緊小學
10年前後既服務態度轉變之大, 可謂另一個不知所謂
回想 10年前服務既親切, 人見人愛唔洗錢既笑容
佢地會當你係朋友一樣, 我冇記錯的話, 以前係90%既 樓面 係 ABC / 外國人
宜家係99% 係香港人, 仲要只係識得 西口西面唔識笑既人
我唔知公司入面發生左咩事而有咁大既轉變
但係我只係知態度差左100倍食物差左100倍
但係去食野既人可以多左10倍, 分店多開幾間
背後既係咩力量, 我都真係想知...講住咁多先..
另一樣火的
大家有冇食過 Suzuki, Pokka, UCC, 沙龍, 風月堂 etc
知唔知佢地有咩一樣既地方呢??
佢地都係一d 日本餐廳, 但係偏向西化既餐廳
大家覺得佢地係日本餐廳 定係美式餐廳 ( 我得閒有心情再講點解係美式)
我話俾你地知, 佢地係 100% 既日本餐廳
而賣既食日本化左既食物, 你唔好以為食意粉, 用叉食野就係西餐
經過多年既演變, 做出日本本土年青人愛戴既餐廳
加入既日本元素都係用時間變出黎, 已經唔再係單單既美式食物
最重要既係佢地既系統, 都用上日式, 而唔係美式
而令到公司既營運上得到多方面既認同同埋肯定
而且最犀利既, 都莫過於佢地既出品可以10年如一日
味道唔會變, 就算一年去一次, 定係 一星期一次
都唔會食得出有咩唔同, 果一種既回憶係最叫我留戀
扯得太遠....番番黎主題先..
個經理話我地食唔慣美式食物, 佢地係美式餐廳...
早前有個節目原來都有講outback, 係欣宜果集
佢地都話 outback 係一間用澳洲做主題既美式餐館
我諗大家明我講咩架喇可?
如果係咁, 我以為都會講 suzuki 佢地係美式餐廳...唔再係日式...
有錯歡迎鬧番我.......thx..
