2010年2月17日 上午11:40
初一冇咩地方想去
初一冇咩地方想去
我同女皇又唔想出去同人食 情人節 ABC餐
又貴又唔好食, pair pair 情侶食埋一樣既野
通街拎住d 花走
所以揀左0係屋企 煮下飯仔過下二人世界
同女皇去完婆婆屋企食午餐過後
就到 city super 諗今晚食咩
一路行一路諗.....
最後發覺屋企好多野都用曬要買番
搞到買左好多錢...
買左好多野番黎.........仲去盛八買左塊日本國產牛 - 肉眼
番到屋企準備開工..........
無花果, 合桃, 大啡菇, 脆粒面包, 陳醋英式芥末子沙律
到打 blog 果時先發覺好白痴...
情人節做咩買無花果呢??
牛油百里香 香煎 XXX-L帶子 配 煎愛心多士
突登煎到 7成熟
令到入面仲好軟滑多汁
金銀蕃茄扁意粉
女皇指定想食既野
不過我又偏偏整得麻麻地好食....
真係唔好意思喇...
金銀蕃茄 即係 新鮮蕃茄 + 蕃茄乾
唉, 買左一隻自己未用過既 蕃茄乾
點知原來好鹹好鹹......
自己好衰唔衰又鍾意食鍉魚, 又落多左一條
搞到成碟野好鹹.......我都好過意唔去.....
不過好彩, 如果連同新鮮蕃茄一齊食又抵消左大部份既鹹味
煎牛扒...配陳醋
大家睇到一定會問點解咁細塊...
原因係我地只係買左一塊牛扒番屋企
一早諗住 share 食
而 女皇食多左 意粉, 所以叫我食多d 牛扒..
咁女皇果碟一定要靚d 架麻.
所以.....咁囉.....
仲有 75% 既牛扒0係我度...哈哈
好鬼好食........好彩女皇食咁少.....唔係我都冇得食...哈哈哈...
冇買情人節禮物..
但係我地覺得.....可以捉得到大家就已經係最好既禮物....
是日加插
女皇為我親手整既 朱古力..........
我好鍾意呀....我會食曬佢架!!
好好食呀....
多謝女皇, 我愛你呀..
