一年有四季, 365日
而我屋企既亞媽就除左星期六日唔煮飯之外日日都會煮
仲一定會有最少 三碟餸, 基本上一定有魚有肉有菜
雖然我地睇落去就好似好簡單咁
但係就日日都唔會一樣
蒸魚-----日日去街市行4~5 個圈去睇魚
平既會買, 貴既會買, 只要新鮮就會買
大既會食, 細既會食, 只要甜既就會食
因為最近屋企有d事, 亞婆成日都要入醫院
所以亞媽都唔多時間去諗有咩肉去煮
亞媽選擇去"蚊" 豬肉, 雖然可能日日都係"蚊" 豬肉
不過亦都係一樣, 可以日日唔同味道
就講菜, 雖然日日都係烚菜, 但係就比起街上既餐會好食一百倍
我想講既野係, 大家覺得好簡單既 三個餸一個湯
只要去到亞媽手上面, 佢都會用盡所有方法去令大家食得開心, 食得健康
只要去到亞媽心入面, 就可以食得出好多溫暖出黎
只係一餐好簡單既飯, 亞媽都想我地食得開心, 日日唔一樣既餸
令我地唔會覺得悶而唔番屋企食,
仲有喎, 亞媽係唔會問結果, 日日默默0係度為左大家去煮一餐飯
用左幾多青春, 用左幾多心機, 同左幾多精神
你地又會知道, 會明白麻?
 |
| 圖中人 : 媽記 |
冇記錯影佢相果日好似得 10度 8度
佢仲可以著咁少衫....
而且, 師奶有樣野好犀利
佢地可以一路講電話一路做好多野......
犀利犀利...............老媽子你係得既!!
