琴日咁0岩去觀塘做野
而又咁0岩 blogger honney 話大孖d 野好靚
於是行多兩步去睇下有咩買....
lee 間野唔難搵, 去到街市轉個灣就見到
大大隻字 "大孖醬料"
入到去最當眼唔係d 醬料, 係佢地個名........好大個大孖.....
方死人唔知入錯佢鋪頭咁
...哈哈
左手邊會發現好多 醬料
如果你唔識點用
老細會好好心機教埋你點煮...其實佢賣d野都好平......你睇下 甜麵豉 一斤 都係 28蚊
同出面差唔多姐, 但係就靚好多香好多喎
盆鹽即係 做完 盆曬生抽之後 面頭出現既 鹽花
同黎煮餸食麵飲湯 落少少一流...
曬落去好香豆豉味, 但係食落去就唔會有豆豉味
好神奇
.....佢會比一般既鹽鹹d.....所以落少少就好夠....好少就足夠 做到 " 提鮮" 既 功效
完全係值得買既一樣野
賣 60蚊一斤, 你咁睇就好似好貴
但係老細可以 10蚊 賣俾你
你又唔會餐餐用黎煮餸, 只係有時拎出黎用咋麻
所以絕對足夠...10蚊都夠..
入面成間鋪頭既右手面全部都係腐乳, 佢咁放出黎, 都幾有自信...
即係話俾人知佢d 腐乳靚姐...
所以我都買左一樽番屋企試下咩味
而右手面就係醬料............一樽樽既又有, 散買既又有..
買 幾蚊又得, 買一斤又得, 買一樽樽既都得......
而且價錢都唔算好貴, 都係 廿幾蚊一樽
28~ 48 蚊一斤
如果俾我揀我會買一樽樽
因為食唔曬可以放0係雪櫃
如果散買食唔曬又唔知放邊....
點解我特登影 lee 個呢?
因為老細好好人 佢話送少少俾我食
好食先番黎再買...
不過lee 隻冇一樽樽買......
(真實對話)
老細 : 過黎聞下啦 (打開蓋)
東主 : 嘩....
(暈).........洗唔洗咁香呀..老細 : 黎啦, 送d俾你番去蒸排骨蒸魚, 炒下野食都好架
東主 : 我不如買少少啦
老細 : 你買得幾多丫, 我送俾你啦
東主 ; 哈哈, 咁我唔客氣喇
blogger honney 話lee 隻辣椒醬係一定要買黎試下...
所以我都好聽話, 25蚊一樽..........
今晚番去試下有幾勁辣先...
我番到屋企打開.....
即時....即時 全間屋都係豆豉味....
我亞媽都走過黎問咩事........
影完相之後 收番埋..到今朝d味都仲好勁....
所以我諗, 如果爆一爆佢先拎黎蒸野的話
一定好完美.......
佢有辣有唔辣...
我揀左 原味試下.......20蚊一樽....
睇下有幾好食...
就係佢地喇.......主角!!出場!!
盆鹽..........打開聞一聞, d 豆豉味好勁.......
我試過就咁放一粒仔入口食..........唔會只係得個死鹹味..
遲d 話俾大家知好唔好食先........煮下野, 飲下湯........
好期待....
