肉片雲耳炒勝瓜
琴晚我去左觀塘做野, 經過街市
個屎忽又痕痕地..,
打俾亞媽話今晚我又想煮樣野..於是 入左去買少少野黎煮.....
突然間個心入面出現左lee 味野
唔理咁多啦, 買左d 野先.....
番到屋企 拎d 雲耳出黎用熱水浸一浸(10分鐘左右), 洗一洗, 就搞掂
勝瓜處理好之後用滾刀法 切,
我買左 10蚊 梅頭, 叫豬肉佬幫手切片
番到屋企生抽老抽糖 醃一醃, 再落凍滾水, 直到佢飽和, 再吸唔到水.
之後可以落少少生粉同埋生油, 搞掂.....
蒜片 同 薑 起鑊, 先炒香 豬肉, 拎起備用
再落薑起鑊, 炒起 雲耳, 落少少酒讚一讚佢....備用
到勝瓜, 都係 少少蒜片起鑊, 炒一陣, 見佢有少少收水就可以讚少少酒
同埋落少少清雞湯, 等佢走咁d 草青味, 同埋有少少味道俾佢, "come" 蓋 焗一分鐘左右
可以落埋d 豬肉同埋雲耳.....炒兩炒 試味,
冇問題就打埋個玻璃茨, 再落少少咁少少咁鑊尾油
搞掂......又一碟......哈哈
煮飯咋麻, 唔係好難姐
, 都唔明點解有咁多女仔唔肯學下煮飯....都唔知係你地懶丫定係 公主命定係覺得自己一定嫁到有錢佬
第時真係要男人0係屋企煮飯?
個個人一開始學煮果時都唔會好食架啦
煮多一兩次, 就知到方法0係邊架啦麻
就算公平d, 一人一餐都好丫....
下下出街食 / 番亞媽屋企食, 有咩謂丫......
