我發現左雪櫃有d咁既野.....
拎出黎睇....打開聞聞......嘩.
.......好香既豆味.....唔理 3, 7, 21........拎黎煮野左野先.....
原本只係諗係用蠔油炆豬肉....哈哈
仲好.
就係lee 樽........
亞媽話佢買左 10蚊, 佢話好貴......唔知呢......好似我出去俾人呃丫...
lee 隻比較搞笑.........佢唔似一般麵豉醬咁, 佢好黑好黑.......而且仲好似溶化曬咁..
如果大家出面街見到有得買一定要買番樽....
麵醬蘿白炆腩排
買一條蘿白, 滾刀切.............要細粒dd
半斤腩排, 洗乾淨就去簡單醃一陣........ (係Catherine 上次叫我買既野)
薑片起鑊, 落 2 湯匙 麵豉醬 爆香, 落埋腩排一齊爆,
個人起好, 我鍾意爆到有少少濃...
之後可以落水......(我屋企個鑊蓋有d問題......所以我落多好多水..)
跟住落少少蠔油, 同埋少少雞湯, 同埋老抽
跟手落埋d 蘿白, 中細火炆 15分鐘.........熄火..焗 20分鐘
睇下會唔會少水過頭, 係就落水,
再細火炆 15分鐘, lee 個時候應該d 蘿白都入曬味.....
搞掂, 上碟..............
我同女皇都食過不停口.......讚好讚好
....哈哈....有d自大添...
