2011年7月31日 星期日

蕃茄汁煎扁膠魚

2010年5月14日 上午11:50



就算再唔鍾意食魚都好, 身邊鍾意果個鍾意的話
, 你都有義務令佢食得開心..
所以我整左 女皇最鍾意食既魚 同埋 蕃茄 俾佢食...希望佢開開心心

做法好簡單, 我諗好多 新入廚既朋友都整到

我0係街市買左一塊扁膠魚, 我唔係好識咩黎, 都係賣魚勝講我知
一塊就要 30蚊...都幾貴...

買番黎洗一洗, 用廚房紙印乾, 兩邊上少少生粉, 同埋少少胡椒粉
用薑起鑊, 中火煎至兩面金黃色
老實丫, 如果初哥想煎魚靚的話, 真係最好用易潔鑊
煎好就放埋一二邊, 備用
之後落兩個 一開八既 蕃茄, 少少油同埋蒜頭 爆香, 再讚少少酒
落大約一杯左右既滾水, 再落少少茄汁, 同埋 dd 咁dd 既 0急 汁
落少少鹽, 滾起左就落埋舊魚, 煨佢一陣, 一兩分鐘左右, 拎起舊魚,
之後打茨, 就可以上碟喇....



好唔好食我真係唔知,
因為我真係好唔鍾意食魚.......
我都唔知女皇係見我整出黎咁好食曬定係真係好食喇..哈哈...


兩個人既生活好多時都係呃呃氹氹咁........就會開心好多架喇...

LinkWithin

Related Posts Plugin for WordPress, Blogger...