湖舟壽司‧小料理
上次講完d咁差既餐廳之後, 講番d好野先..
今次一行三人去食日本野
揀左我同女皇好滿意既一間餐廳
特別係 個 午餐, 都係 二百幾蚊一個人
上次都有打過blog
http://hk.myblog.yahoo.com/speedkung/article?mid=99
不過今次既 blog 就係 講夜晚飯
唔講太多, 去片先

クラパラリ-フ & 蜂蜜 - 68蚊 (冇中文)
香港第一次出現既物體, 負責人話係墨西哥既一種植物
不過去左日本就轉接黎左香港
食落清甜可口又多汁, 加埋d 蜂蜜既甘香
兩者好平衡, 又唔會搶左對方既味道
好好食...

大刺身 - 650 蚊
好多野揀
有海膽, 榮螺, 大拖羅, 超大牡丹蝦, 三文魚, 帆立貝, 深海池魚, 油甘魚, 鯛魚
好喇, 650蚊咁少野食....你一定覺得好唔抵
但係我唔想講太多, 我真係覺得好好食..
我望左碗野好耐, 都唔知食咩先好
應該食白身魚先? 咁但係有三隻 白身
應該食邊樣野先好呢?
um....我都唔知應該點講好.....因為太多
而且樣樣都好新鮮好肥美
而我想講既實在太多
我簡短少少講啦..
白身魚 : 好甜, 而最肥既竟然係鯛魚, 竟然會有回甘味.
帆立貝: 好食到要再 叫多一客
牡丹蝦: 爽口鮮甜, 彈牙
三文魚: 無咩特別, 因為其他太好食, 會比落去
榮螺: 估佢唔到咁鮮甜, 第一次食, 好深印象
海膽: 雖然我食唔出係邊度黎, 不過質數好好
大拖羅: 好鍾意食冇筋既拖羅, 足足吋幾厚既 拖羅, 就算好食都唔敢再叫

穴子 - 200蚊
ア我唔知係咩海鰻, 我冇興趣, 見到都驚
所以唔洗叫我俾意見
不過唔係好搶手, 所以自己諗下好唔好食喇

海膽丼 - 250蚊
大家講留意, 我冇tune 過 色架
你地睇下d 子薑, 同d葉, 就知我冇tune 過色架喇
真係真係真係金黃色既海膽........好似黃金咁
我地三個對眼發青光咁, lee 碗飯d海膽仲要比之前既好食
我真係唔知有咩分別喇....但係甜好多
仲要食到有淡淡既海水味...
合埋眼食落去, 感覺就好似 去左 海灘
入左落個海食海膽咁..........好好味...!!

帆立貝 - 180蚊
係頭先唔夠食再叫既野..
um, 其實 180蚊都幾貴........
你諗下喎, 佢只係將兩隻帆立貝一開三
即係 90蚊一隻.......
如果比我再揀, 我唔會再叫 180蚊既 帆立貝
就算再鍾意食都好...都覺得好貴...
而事實上又真係好滑好爽好甜既.....

稻庭烏冬 - 100蚊
唔洗講太多.......又可能係我唔識講咁多
爽牙, 滑身.....
100蚊 叫抵啦....!!

雜錦天婦羅 - 150蚊
有兩隻蝦, 有南瓜, 茄子, 白身魚, 青椒仔, 冬菇
蝦: 我覺得 澳門蔔京既 buffet 好食d, 天扶良, 稻菊好食d,
咁當然啦, 天扶良, 稻菊 級數唔同, 唔應該拎黎比
南瓜: 香軟甜 (好簡單添講得)
茄子: 好輕身, 一d油膩感覺都冇
冬菇 : 菇香好勁, 而且個漿同佢好襯, lee 間既漿比較硬身
白身魚 同青椒仔冇食, 冇咩意見...

我要多謝blog 好友 Catherine 既幫忙
先可以將隻咁得意既 Rilakkuma 送俾朋友
唔該曬 Catherine!!!! 錫曬你....!!
總結:
食左 1,774 蚊, 我會再去食架
如果係 lunch 食 覺得好抵, lunch 價錢, 食夜晚質數
如果係夜晚, 我就覺得貪佢夠清靜, 果晚我地三個好似包左場咁, 哈哈
其實仲有好幾間我覺得好高質既日本餐廳既, 不過冇咩錢, 唔好食咁多.哈哈
地址 : 銅鑼灣渣甸街50號渣甸中心10樓
電話 : 3580 8928