hea 左幾日........琴日仲去睇多次醫生......
我隻右手唔知咩事出曬紅點....
醫生話果d叫血管發炎, 過幾 日冇事.....又350蚊.....女皇就好啦, 同我去埋同一個地方, 反而佢一d事都冇.
........琴晚屋企冇人食自己
(終於有時間係自己一個喇)見又有d時間去街市煲左個湯, 清下熱 (聽日先出post)
做法
hea 完一輪先去打開雪櫃睇下有咩食....
一碗白飯, 半個生菜, 半隻青椒, 有蛋....有最愛既辣肉腸
最0岩就係用黎炒飯啦....唔洗講啦.....
打一隻蛋, 煎蛋皮, 之後切超幼既蛋絲備用
燒紅隻鑊落少少咁dd 既油, 快炒d飯 (如果想炒得好d散d, 事前可以用手楂碎飯先)
炒到粒粒分明, 有油光, 仲識彈彈下
就可以0係鑊邊慢慢慢慢小小小小咁落生抽
目的係想俾d 豉油既香味同埋鹹味
之後就可以0係個飯開個 "loan"
放之前切到超幼既1/8個青椒 同埋 半條切幼絲既辣肉腸
係咁 2 炒兩炒, 就可以同埋d飯一齊炒
目的係想d 腸出油, 爆香d 青椒, 同埋令個飯有腸既香味
最後可以落埋d 蛋絲, 少少蔥花, 同埋 少少生菜絲, 快炒幾下就搞掂食得
題外話
30cm 既 尺............................你地自己諗下有幾大隻 芒果
我 auntie 俾我架....話係d同事請佢食
有3隻, 俾左一隻我......好驚...咁大隻
