(女皇起身冇耐既素素樣....)星期六去 City super 買左一板百幾蚊既海膽番屋企整意粉食......
但係我見d海膽咁靚咁大咁甜, 又唔想咁嘥.....
所以利用左佢既美色
, 右埋落d 帶子一齊食.....個結果就係.....爆炸.........
冇錯...真係爆炸.....搞到成個口都好鮮....
仲要加埋d咁大粒咁靚既三文魚籽......
直頭就係殺人工具......
真係冇誇張架.....真係好好食架..
冇架, 個做法冇特別架...
只係將d 帶子開井字汆水
吸乾水, 上少少粉, 中火煎到兩面金黃就搞掂架喇
之後只係落d 現成既三文魚籽 同埋 海膽......
0係海膽上面落少少 wasabi同埋日本豉油
四周落左少少燶d 既蒜頭, 想佢個味有層次d......
題外話
唔好意思呀,
我逢星期六日都唔會update 個blog 架都想抖下......同埋想留番d 時間俾自己 不停煮野....
其實大家睇到既 blog, 大部份都係我星期六日一次過煮架
只係平時煮一兩樣野
因為, 星期一至五都係亞媽煮飯
佢唔係好俾我搞佢廚房...
星期六日我亞爸亞媽都會出左街 wet
所以我地就可以0係屋企係咁煮野....
煮煮埋埋好多野, 分開一次出一碟餸..
可能因為我日日都會出blog 既關係,
所以有好多人都以為我日日都煮飯...哈
唔好意思呀, 令大家誤會左...
明日預告
海膽忌廉意粉
