琴日咪話買左盒 海膽既~~
我拎左黎煮意粉........
我同女皇買果時都係咁諗 " 百幾蚊喎, 買番黎臭咁點"
我地都有諗過去平d 既地方買番黎食...
但係都係信 citysuper 多d..
而買番黎打開果時都冇信錯
一d 臭味都冇, 仲有d 海水味添....唔錯唔錯
我唔知大家有冇試過食過海膽意粉呢??
其實幾好食架...不過記得平野冇好.....
同埋一個人係需要食一板既份量架好鬼貴..
我同女皇都係一碟兩份食咋......
而個做法都好簡單... (我都唔知點解我煮咩都造 簡單, 哈哈)
將D 海膽攪爛曬佢地 備用 (一家要好爛好爛)
煲水落鹽落油煮意粉
同一時間
用薑起鑊, 要爆到塊薑燶燶地...先夠香味
落一早切好既洋蔥落鑊爆香 (大約 1/8 個, 切條)
爆到咁上下, 落一半海膽爆香, 讚少少威士忌
落半杯雞湯, 推開d 海膽, 煮一陣,
而同一時間, 試下d 意粉, 都應該差唔多ok (要 al dente)
就可以放d 意粉落隻鑊, 同d 海膽汁一齊煮一陣
就可以落1/4 盒 細 既 忌廉, 同埋 另外果一半海膽
落黑椒同埋 少少 七味粉, 搞掂, 上碟
