我教大家煮野一又點會真係咁簡單三文魚飯丫.....
女皇唔信我只係識用瓦煲住飯, 唔識用電飯煲
所以我煮俾佢睇...哈哈......
一人份量
10塊左右既三文魚腩 sashimi 切粒
1/8個洋蔥蓉
超超超超超幼細既薑粒
蔥段少少
洗米先...
之後開鑊爆薑, 落三文魚粒, 再落洋蔥,
等佢地有少少燶燶地, 落埋d 蔥
就可以即刻放入d 生米, 一齊煲
當平時煲飯咁就okay 架喇....
不過我就用我由細到大都用開既 瓦煲 煲飯
煲好出黎, 仲要落少少咁少少既麻油
同埋 要落下面果支 野
就係日本既蠔油喇....
我0係 sogo 買架, 好似 31左右
好貴, 不過好好食, d 蠔味好出
又唔係咁鹹
你咁記 唔係佢果皮......
不過用普通 蠔油都okay 既,
落少少好喇, 唔係鹹死你架....
瓦煲 當然有飯蕉 架啦
我亞媽會就咁食....好脆咁食
不過我覺得會" 痴牙"
所以由細到大都唔食....
我用左d 飯蕉黎飯多個飯出黎俾女皇食....
女皇明明話好好好飽,
但係睇住我住果時
佢又話好想試下
試試下, 又食左 大半.....哈哈....
開細火, 落1/4杯雞湯, 1/2 杯 滾水, 慢慢 超d 蕉出黎
如果好似我識用個瓦煲, 先可以煲出 唔燶, 又薄又脆既 飯蕉
先好學我咁整lee個飯
如果唔係食唔落口架.....
之後落少少冬菜, 少少咁少少既蠔油, 同埋胡椒粉
落少少蔥花.......煮到佢變左糊仔咁就ok 架喇....
燈燈..!! 搞掂.........
