孜然蜜味焗排骨
一人份量, 既 排骨
最好用 急凍果d黎整, 一黎d肉會林d 同埋工整好多
醃料都好簡單
生抽老抽, 糖, 酒, 胡椒粉, 同埋 孜然粉少少, 同埋dd 麻油
放0係雪櫃醃最少 3個鐘
大家可以跟我用lee 個方法醃野
會快d架, 同埋會勻d 架....又可以一包包咁慳位d..
拎錫紙出黎, 要兩層
好似包禮物咁, 包住佢地, 作用係想有蒸既效果........
預熱焗爐, 170度上下火, 焗10分鐘
焗完出黎應該會有好多水
d 水可以要, 可以唔要
我揀左唔要
如果要的話, 可以拎黎做汁
可以用隻鑊煮到收水就ok 架喇
之後拎出黎兩面擦少少入得焗爐既蜜糖
開 200度火, 焗 多 6~7 分鐘就搞掂喇.....
係唔係睇見都好想食呢.......哈哈
如果大家搵唔到我lee 隻排骨, 可以用一粒粒果d 都ok 架
同埋lee個做法可以用於雞扒同埋雞亦, 羊架都得
