英式多士
話說 2002 年果時去Whistler 滑雪
同行既有4個人, 兩對情侶同埋我單支一個

租左一間木屋 house 作為基地
入面有個靚靚廚房

當中有一位英國朋友每一朝早 都會煮英式多士俾我地食
當時我都有偷師....就今日同大家分享下丫


我同女皇兩個人用左兩隻蛋黃, 幾 tp 沙糖
打勻佢地.至滑身

落cream......都可以落牛奶既......

之後就可以上漿....
要一塊一塊慢慢上, 務求 令到 麵包可以吸盡蛋汁
好多都唔驚, 因為就係要令佢入面食落口果時軟軟爛爛咁.....

放易潔鑊落少少油慢火煎
煎好一面反另一面, 煎到兩面金黃色
就開大火, 煎到有少少燶 就搞掂架喇....

食果時最好拎 楓葉糖漿 食啦...真係好食d架......
雖然個整法好似西多士
不過唔一樣架.....我鍾意食lee 個多d....
煎得最好既係面頭脆卜卜, 入面好軟身
如果想個面快d燶, 可以打蛋漿果時落多d糖
(真實)
女皇放入口

東主

女皇
