金銀蛋莧菜
大家覺唔覺 張相有d 怪怪地~~??又灰灰藍藍咁.......對比度又足...
搞咩呀!!??
琴日雖然意見唔多, 不過我發現原來以前既 format 係好d..
不過就因為唔係太清楚既關係, 所以有d人鍾意新果個format
所以我用番舊 format, 但係就會寫得比較清楚, 又試下好唔好丫
仲有呀, 我拎左部 Ricoh 既 CX1 傻瓜機 玩......
唔知點解部機既成像好差,
好似拎左電話出黎影咁.....聽日俾大家睇下丫......我影左兩張....好後悔.......好後悔冇用番單鏡影...
唔講太多, 講番個菜先.......
......希望大家唔好話太簡單啦 
洗菜果d唔講啦, 其實莧菜都幾煩...
首先我會炸左幾粒蒜頭先.....拎起備用
之後用少少油大大火熱熱鑊, 先爆薑再落菜, 再讚少少酒, 快手炒佢..
你會睇住d菜好快縮水, 期間可以落少少雞湯, 蓋上蓋, 煮 一兩分鐘左右
之後就可以拎起d菜上碟先, 留番d湯0係鑊, 落一隻切好既皮蛋, 同埋切好既鹹蛋黃
蓋上蓋煮 三兩分鐘, 熄火, 落半隻鹹蛋白, 做蛋花.......埋茨打生粉水......搞掂......
我又見過我有個朋友有另一個方法煮
爆香蒜蓉同埋薑, 落皮蛋同埋鹹蛋黃落水係咁煮, 煮 10幾分鐘
再落少少雞粉, 落菜, 再打一個好杰既茨.....出黎既效果又幾正喎......
題外話:
好慘呀, 星期日曬完到宜家兩隻手仲係好紅...
都唔知咩事...個鼻同個額頭已經甩緊皮.......不過都仲係好紅..
仲有, 對腳勁痕......因為有好多蚊咬我....
仲仲仲有, 個背脊無啦啦係咁出豆豆, 係咁爆......
