2010年3月31日 下午12:55
栗米肉粒飯
女皇叫我我煮 lee個好幾個星期架喇
不過我唔想煮係因為我唔識點切 肉粒..
不過俾我0係 city super 搵到有美國黎既一粒粒豬肉
0岩曬我...即刻買番屋企煮...

材料好簡單, 主要既都係眼見lee 3 樣
記得栗米一定一定一定要買 cream corn 喎!!!!!!
如果唔係煮唔到....
同埋奶方面最好就全脂奶啦, 香好多.
d肉 你點切你話事丫...
一條又得一塊又得一粒又得
d 肉要醃左先, 用 魚露, 糖, 少油, 胡椒粉, 醃 10分鐘左右

倒d cream corn 落煲, 用最慢火煲
之後可以落 奶, 我大約落左 400ml 左右既奶
如果太多奶 又係玩著自己..唔好咁多呀

記得用最最最細既火呀!!
要一路煮一路攪住佢, 唔好俾佢"痴"底
好重要架, 唔係會有燶味..

lee 個時候可以 落鑊煎香豬肉

煎到有少少金黃色同埋少少燶邊放埋一二邊備用

要煮到d 汁 收到一半.....就可以落少少鹽 同埋 適量既胡椒粉

煮到咁上下, 可以落埋d 豬肉落去

keep 住用細火煮佢, 煮到好杰身, 感覺上所有奶既水份都冇曬就搞掂架喇

我地仲落左燕麥 去煲飯.....感覺上健康d..哈
一定要細火, 不停攪拌, 同埋cream corn 呀.....
希望大家成功啦, 因為真係唔難整...
我敢寫包單 你唔0係出面街食到咁好食....
女皇問我點解會識煮....電視都唔會教.
我話: 我幾歲果時亞婆成日都煮lee 個俾我食丫麻因為,所以識煮囉