都唔係好明其他 Blogger 點可以咁多諗頭
我指既係個餸名, 個個都好有心思
反觀我就是是但但有乜寫乜咁
如果俾你地改名, 你地會改咩??
大約做法
羊架 係city super 醃好左果d, 唔洗煩, 買左兩件
煎之前最好整走曬d 醃料, 因為好易燶
薯仔切粒, pancetta 煙肉 搣開一粒粒
細火煎煙肉, 煎到好脆身, 再落油,, 落少少指天椒 落埋d薯仔炒
炒到半透明就可以落少少鹽同埋黑椒
炒多兩炒, 落pasley 碎 搞掂
而半架就要隻鑊超大火, 落少少油, 每邊煎30秒左右 就可以上碟架喇
之後隻鑊有d油架麻? 咁就落少少紅酒同埋少少牛油煮番個汁放羊架
題外話
琴日同女皇第一次一早 9 點半去睇戲
個人都未起身......不過你話就咋喎
都不知幾多人睇, 一黎平, 二黎有位
三黎 商(黑)天鵝, 話曬 咁多提名
咁多人睇係應該既.....
但係好奇怪, 最多既反而係 11, 12 歲左右既青少年
而唔係一d 廿幾歲既後生仔...
我覺得真係好睇, 好睇在女角分析得好細膩
層次感好特出, 有明顯既變化
劇情札實, 令人有代入感, 我推薦俾大家睇
快d 買定個位喇, 因為我見都幾多人睇架
琴日我地都係睇咁早先有咋
睇完好難令人離開對主角既投入感
btw, 主角唔係電影介紹咁話人格分裂, 最多只可以話佢有前期既思覺失調
