唔好意思呀 catherine...又係豬呀.....
我唔可以唔介紹大孖果樽野
因為實在太強喇...!!!
今次我仲拎左黎炆野, 唔洗好多, 放少少去炆就好正
買左 40蚊腩肉, 肥膏多過肉果隻....
叫個豬肉佬幫你切埋好d...屋企切的話會切到好唔工整
買番黎只係洗乾淨, 唔洗醃
直接開鑊落一塊薑爆香d 豬肉, 讚一讚酒
其後就可以落兩湯匙既頭抽, 同埋 4粒切好一片片既獨子蒜
炒一炒就可以落三杯左右既水, 落少少老抽, 落少少冰糖同埋片糖
細火炆 10分鐘, 熄火, 唔好理佢, 焗 20分鐘
再開火滾起, 煮5分鐘, 再熄火焗 20分鐘
再滾起就食得架喇
出黎個味好獨特......真係好好食...
btw
我唔係幫大孖hard sell 賣廣告
只係我真係好想同大家分享咋.....
