覺唔覺最近d 相 都影得麻麻地呀??
我先發覺原來屋企換左d 光管做白光 同埋暗左好多
搞到d 色好散......
如果日頭影就話姐...
但係我成日都係夜晚先煮野食..
唔通下下拎入房影咩.......唉..............
仲未離開 前日既傷痛...........
材料 (二人份)
牛仔骨 5條
薑汁 50ml
老抽 適量
蠔油 一湯匙
生粉 兩茶匙
做法
1) 先用 四湯匙薑汁醃牛仔骨 醃 三個鐘左右
2) 用易潔鑊大火生煎牛仔骨至 5成熟
3) 一路炒, 一路慢慢慢慢落少少少老抽,炒至乾身又落少少 (總共大約 一湯匙左右)
4) 薑汁 同 生粉, 蠔油 先拌好, 落50ml 左右既水, 放鑊同炒, 即可
5) 食時連泡菜一起
琴日去左怪師傅度整月餅, 哈哈, 好好玩好好食......
喂, catherine, 師傅話 過左幾日就唔好食架喇..
同埋女皇拎左 番公司請同事食......
okay喎......幾好玩, 幾簡單易明
我同女皇想去潮州月餅呀~~~ 有冇興趣呀~~
